غزہ میں نسل کشی کے خاتمے کا معاہدہ دیرپا امن کے قیام کا تاریخی موقع ہے، وزیراعظم

ویب ڈیسک

09th Oct, 2025. 09:55 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غزہ میں نسل کشی کے خاتمے کا معاہدہ دیرپا امن کے قیام کا تاریخی موقع ہے، وزیراعظم

اسلام آباد: وزیراعظم محمد شہباز شریف نے کہا ہے کہ غزہ میں نسل کشی کے خاتمے کے لیے معاہدے کا اعلان مشرق وسطیٰ میں دیرپا امن کے قیام کا ایک تاریخی موقع ہے۔

وزیراعظم شہباز شریف نے اپنے جاری کردہ بیان میں کہا کہ بات چیت اور مذاکرات کے پورے عمل میں صدر ٹرمپ کی قیادت عالمی امن کے لیے ان کے غیر متزلزل عزم کی عکاسی کرتی ہے، قطر، مصر اور ترکی کی پرعزم اور دانشمند قیادت کو بھی معاہدے کے لیے ان کی انتھک کوششیں قابل ستائش ہیں۔

انہوں نے کہا کہ فلسطینی عوام کو خراج تحسین پیش کرنا چاہیے، جنہوں نے بے مثال مصائب کا سامنا کیا، فلسطینیوں کے ساتھ اس سلوک کو کبھی نہیں دہرایا جانا چاہیے۔

مزید پڑھیں: غزہ امن معاہدے پر اتفاق رائے کسی بھی وقت ممکن ، ترک وزیر خارجہ پُر امید

انکا کہنا تھا کہ مسجد الاقصیٰ میں حالیہ اشتعال انگیزی پر بھی شدید تشویش ہے، دنیا کو قابضین اور غیر قانونی آباد کاروں کا محاسبہ کرنا چاہیے، ایسے مزید اقدامات کو روکنا چاہیے جو صدر ٹرمپ کی کشیدگی کو کم کرنے اور دیرپا امن کی راہ ہموار کرنے کے لیے کی گئی زبردست کوششوں کو نقصان پہنچائے۔

وزیراعظم نے مزید کہا کہ ہم اس بات کو یقینی بنانے کے لیے شراکت داروں، دوستوں اور برادر ممالک کے رہنماؤں کے ساتھ مل کر کام کرتے رہیں گے، تاکہ فلسطینی عوام کے لیے امن، سلامتی اور وقار ان کی خواہشات اور اقوام متحدہ کی قراردادوں کے مطابق قائم ہو۔