کراچی: روشنیوں کے شہر کراچی میں رواں سال کے 9 ماہ اور 10 دنوں کے دوران ڈاکوؤں کی فائرنگ سے 69 شہری زندگی کی بازی ہار گئے، درجنوں گھر ماتم کدہ بن گئے۔
گزشتہ روز سپر ہائی وے پر ویگو گاڑی چھیننے کی واردات کے دوران فرسٹ ایئر کے طالبعلم عدنان مگسی کو ڈاکوؤں نے فائرنگ کرکے قتل کردیا۔
اسی طرح 4 اکتوبر کو اورنگی ٹاؤن ساڑھے گیارہ خلیل مارکیٹ میں حافظِ قرآن نور عالم کو مزاحمت پر فائرنگ کرکے مار دیا گیا۔
8 اکتوبر کو اورنگی ٹاؤن سیکٹر 13 پیر بازار کے قریب دو بچوں کے باپ ہاشم کو بھی ڈاکوؤں نے قتل کر دیا۔
اعداد و شمار کے مطابق جنوری میں5، فروری میں 10، مارچ میں 10، اپریل میں 10، مئی میں سب سے زیادہ 12 شہری قتل ہوئے، جون میں ایک، جولائی میں8، اگست میں 5، ستمبر میں 5 اور اکتوبر کے 10 دن میں 3 شہری قتل ہوچکے ہیں۔
Advertisement
شہری حلقوں کا کہنا ہے کہ کراچی میں ڈاکو دندناتے پھر رہے ہیں جبکہ پولیس بے بس نظر آتی ہے۔
قانون نافذ کرنے والے اداروں کی موجودگی کے باوجود شہری عدم تحفظ اور خوف کی فضا میں زندگی گزارنے پر مجبور ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
