Advertisement
Advertisement
Advertisement

افغانستان کا بلا اشتعال حملہ، پاکستان کا بھرپورجوابی وار، متعدد چوکیاں تباہ، کئی افغان فوجی اور خوارجی ہلاک

Now Reading:

افغانستان کا بلا اشتعال حملہ، پاکستان کا بھرپورجوابی وار، متعدد چوکیاں تباہ، کئی افغان فوجی اور خوارجی ہلاک
افغانستان نے سرحدی علاقوں میں فوج بھیج دی ، بلا اشتعال فائرنگ،شدید جھڑپیں

افغانستان نے سرحدی علاقوں میں فوج بھیج دی ، رات گئے تک شدید جھڑپیں جاری رہیں، درجنوں افغان فوجی اور خوارجی ہلاک ہوگئے ۔ دونوں جانب سے شدید گولہ باری اور فائرنگ کی آوازیں سنائی دیں، افغان فورسز اپنی چوکیاں چھوڑ کر فرار ہوگئیں ۔

کابل میں مبینہ طور پر ٹی ٹی پی قیادت کو ہدف بنائے جانے کے بعد سے پاکستان اور افغانستان میں تعلقات کشیدہ  ہیں۔

Advertisement

دونوں جانب سے  بیانات کا سلسلہ جاری  تھا ۔ ہفتے کی شب اس کشیدگی میں اضافہ دکھائی دیا ۔ وزیر دفاع خواجہ آصف کی جانب سے افغانستان کو واضح پیغام دیا گیا۔

دفتر خارجہ کی جانب سے افغان سفیر کو طلب کرکے افغانستان اور بھارت کے مشترکہ اعلامیے پر تحفظات کا اظہار کیا گیا۔

جس کے بعد سرحد پر کشیدگی میں بھی اضافہ  ہوگیا ۔ غیر ملکی میڈیا رپورٹس کے مطابق پاک افغان سرحدی علاقوں میں دونوں ممالک کی افواج کے درمیان شدید جھڑپیں شروع ہوچکی ہیں۔

پاکستان کی جانب سے افغان توپ خانوں سے گولہ باری اور بلااشتعال فائرنگ کا بھر پور جواب دیاگیا۔ افغان حکام یا پاکستان کی جانب سے تاحال کوئی بیان جاری نہیں کیا  گیا ۔

سیکیورٹی ذرائع کے مطابق افغان فورسز نے پاک افغان بارڈر پر انگور اڈا، باجوڑ، کرم، دیر، چترال، اور بارام چاہ (بلوچستان) کے مقامات پر بِلا اشتعال فائرنگ کی۔

فائرنگ کا مقصد خوارج کی تشکیلوں کو بارڈر پار کروانا بھی تھا۔  پاکستان فوج کی چوکس اور مستعد پوسٹوں کی جانب سے تیزی کے ساتھ بھرپور اور شدید جواب دیا گیا جو اب بھی جاری ہے،

پاک فوج نے فوری طور پر شدید رد عمل  دیتے ہوئے  متعدد افغانی پوسٹوں کو مؤثر طریقے سے نشانہ بنایا۔

Advertisement

ذرائع کے مطابق پاکستان کی بروقت کاروائی سے افغانستان کی متعدد بارڈر پوسٹیں تباہ اور درجنوں افغان فوجی اور خارجی ہلاک ہوگئے۔

طالبان اپنی متعدد پوسٹیں چھوڑ کر  بھی فرار، لاشیں بکھری ہوئی ہیں۔

افغانستان کی جانب سے یہ جارحیت اُس وقت کی جا رہی ہے جب افغان وزیر خارجہ ہندوستان کا دورہ کر رہا ہے۔

Advertisement
Advertisement

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
نارتھ ایسٹ پمپنگ اسٹیشن پر K-II لائن کی مرمت کا کام شروع
ٹی ایل پی واقعے پر جعلی خبروں کے خلاف بڑا ایکشن شروع
غزہ میں بچوں کی نسل کشی تاریخ کا سیاہ باب ہے، سیزفائر برقرار رہنا چاہیے، بلاول بھٹو
سندھ کی 33 شوگر ملز کو نوٹس جاری، یکم نومبر سے کرشنگ کا آغاز لازمی قرار
امت مسلمہ کے اتحاد کی اشد ضرورت ہے، مسلم ورلڈ لیگ کے کنونشن سے مولانا فضل الرحمن کا خطاب
سونے کی قیمت میں مسلسل اضافہ، ہر دن نیا ریکارڈ قائم
Advertisement
توجہ کا مرکز میں پاکستان سے مقبول انٹرٹینمنٹ
Advertisement

اگلی خبر