افغان جارحیت کا بھرپور جواب؛ پاکستانی فورسز نے 19 افغان پوسٹوں پر کنٹرول حاصل کرلیا

ویب ڈیسک

12th Oct, 2025. 11:05 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افغان جارحیت کا بھرپور جواب؛ پاکستانی فورسز نے 19 افغان پوسٹوں پر کنٹرول حاصل کرلیا

پاک افغان سرحد پر افغانستان کی جانب سے رات گئے بلا اشتعال فائرنگ کے بعد پاک فوج نے بھرپور اور مؤثر جوابی کارروائی کرتے ہوئے دشمن کو پسپائی پر مجبور کر دیا۔

سیکیورٹی ذرائع کے مطابق پاکستانی فورسز نے جوابی آپریشن کے دوران افغان فورسز کی 19 اہم سرحدی پوسٹوں پر کنٹرول حاصل کر لیا ہے، تاہم کارروائی کے دوران ان تمام مقامات کو نشانہ بنایا گیا جہاں سے پاکستان کے سرحدی علاقوں پر گولہ باری کی جا رہی تھی۔

ذرائع کے مطابق پاک فوج کی جوابی کارروائی رات گئے سے جاری رہی، جس میں متعدد افغان پوسٹیں تباہ ہو گئیں اور دشمن کو شدید جانی و مالی نقصان اٹھانا پڑا۔

زیرِ قبضہ پوسٹوں پر آگ اور تباہی کے مناظر واضح طور پر دیکھے جا سکتے ہیں جبکہ کئی افغان فوجی اور عسکریت پسند اپنی پوزیشنیں چھوڑ کر فرار ہو گئے۔

مزید پڑھیں: پاک افغان سرحد پر کشیدگی؛ پاکستان کی جوابی کارروائی میں متعدد افغان پوسٹیں تباہ، 19 پر قبضہ

رپورٹس کے مطابق بھاری نقصان کے باعث کئی افغان اہلکار ہلاک اور متعدد زخمی ہوئے ہیں، جبکہ متعدد چوکیوں کو مکمل طور پر خالی کرا لیا گیا ہے۔

سیکیورٹی ذرائع نے کہا کہ پاک فوج کی کارروائیاں دفاعی نوعیت کی تھیں اور صرف ان اہداف کو نشانہ بنایا گیا جو پاکستان کے خلاف استعمال ہو رہے تھے۔