نوجوان گلوکار و اداکار ثمر جعفری نے بین الاقوامی سطح پر ایک اور بڑی کامیابی حاصل کر لی۔

 عالمی میوزک اسٹریمنگ پلیٹ فارم اسپاٹیفائی نے ثمر جعفری کو “ریڈار پاکستان آرٹسٹ 2025 (چوتھی سہ ماہی)” کے طور پر منتخب کر لیا ہے۔

یہ اعزاز ثمر جعفری کی موسیقی کی بڑھتی ہوئی عالمی مقبولیت اور نوجوان نسل پر ان کے اثر و رسوخ کے اعتراف کے طور پر دیا گیا ہے۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by Spotify Pakistan (@spotifypakistan)

Advertisement

اسپاٹیفائی کے مطابق ثمر جعفری کے گانے نہ صرف پاکستان بلکہ دنیا کے کئی ممالک جیسے بنگلادیش، امریکا، برطانیہ، کینیڈا اور متحدہ عرب امارات میں بھی مقبولیت حاصل کر رہے ہیں، یہ کامیابی ان کے میوزک کیریئر میں ایک اہم سنگِ میل قرار دی جا رہی ہے۔

رواں سال کے آغاز میں ریلیز ہونے والے ان کے گانے “رہوں” اور “گزارشیں” نے شاندار کامیابی حاصل کی، دونوں گانوں نے مجموعی طور پر 23.3 ملین اسٹریمز کا ریکارڈ قائم کیا، جن میں سے صرف “رہوں” کے اسٹریمز 14 ملین سے زائد ہیں۔

اسپاٹیفائی کی جانب سے جاری کردہ ویڈیو میں ثمر جعفری کو اپنے موسیقی کے سفر کے بارے میں بات کرتے اور اپنے اسکول کے زمانے کی یادیں تازہ کرتے دیکھا جا سکتا ہے، جس میں ان کے ابتدائی دنوں کی جھلکیاں بھی شامل ہیں۔