افغان جارحیت ناقابل قبول، پاکستان خودمختاری کے تحفظ کے لیے پرعزم ہے، صدر آصف زرداری

ویب ڈیسک

12th Oct, 2025. 09:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افغان جارحیت ناقابل قبول، پاکستان خودمختاری کے تحفظ کے لیے پرعزم ہے، صدر آصف زرداری

صدرِ مملکت آصف علی زرداری نے افغانستان کی حالیہ جارحیت پر سخت ردعمل دیتے ہوئے واضح کیا ہے کہ پاکستان اپنی علاقائی خودمختاری اور سلامتی کے تحفظ کے لیے ہر سطح پر پرعزم اور تیار ہے۔

صدر زرداری نے کہا کہ افغان قیادت کی جانب سے کشمیری عوام کی جدوجہدِ آزادی سے منہ موڑنا نہ صرف ناانصافی ہے بلکہ امتِ مسلمہ کے اجتماعی موقف سے انحراف کے مترادف بھی ہے۔

ان کا کہنا تھا کہ پاکستان ہمیشہ سے مظلوم کشمیری عوام کی حمایت کرتا آیا ہے اور جموں و کشمیر پر کسی بھی گمراہ کن مؤقف یا تنازع کو کبھی تسلیم نہیں کرے گا۔

صدرِ مملکت نے خبردار کیا کہ فتنہ الخوارج اور فتنہ الہندوستان آج کے دور میں خطے کے امن و استحکام کے لیے سب سے بڑے خطرات بن چکے ہیں، جن سے نمٹنے کے لیے علاقائی سطح پر سنجیدہ اور اجتماعی اقدامات ناگزیر ہو چکے ہیں۔

انہوں نے مزید کہا کہ پاکستان ایک پرامن ہمسایہ ملک کے طور پر اپنے اصولی مؤقف پر قائم ہے، تاہم قومی خودمختاری پر کوئی سمجھوتہ ممکن نہیں۔

صدر زرداری نے اس عزم کا اعادہ کیا کہ پاکستان نہ صرف اپنی سرزمین کے دفاع بلکہ خطے میں امن و استحکام کے فروغ کے لیے بھی ہر ممکن اقدام کرتا رہے گا۔