اسلام آباد میں معمولاتِ زندگی بحال، وفاقی پولیس کا شہر بھر سے رکاوٹیں ہٹانے کا فیصلہ

ویب ڈیسک

14th Oct, 2025. 07:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد میں معمولاتِ زندگی بحال، وفاقی پولیس کا شہر بھر سے رکاوٹیں ہٹانے کا فیصلہ

وفاقی دارالحکومت میں عوامی آمدورفت کو سہل بنانے اور سیکیورٹی کے نام پر بند کیے گئے راستے کھولنے کے لیے وفاقی پولیس نے شہر بھر سے تمام رکاوٹیں ہٹانے کا فیصلہ کر لیا ہے۔

فیصلے پر فوری عملدرآمد کے لیے کنٹینرز ہٹانے کے لیے لفٹرز اور کرینیں مختلف مقامات پر پہنچا دی گئی ہیں۔ اسلام آباد کے داخلی و خارجی راستوں سے بھی کنٹینرز ہٹانے کا عمل جاری ہے تاکہ ٹریفک کی روانی بحال کی جا سکے۔

پولیس ذرائع کے مطابق کنٹینرز کو وقتی طور پر شاہراہوں کے کنارے منتقل کیا جا رہا ہے تاکہ ضرورت پڑنے پر انہیں دوبارہ استعمال کیا جا سکے۔ کسی بھی ہنگامی صورتحال میں دوبارہ کنٹینرز رکھے جا سکتے ہیں۔

ادھر اسلام آباد ٹریفک پولیس کا کہنا ہے کہ ریڈ زون سمیت شہر کے تمام داخلی و خارجی راستے مکمل طور پر کھلے ہیں اور ٹریفک معمول کے مطابق جاری ہے۔