کراچی: ملک میں سونے کی قیمت میں ایک بار پھر زبردست اضافہ ریکارڈ کیا گیا، جس کے بعد فی تولہ سونا نئی تاریخی سطح 4 لاکھ 40 ہزار 900 روپے پر پہنچ گیا۔
صرافہ بازار ایسوسی ایشن کے مطابق 5800 روپے کے اضافے سے فی تولہ سونا 4 لاکھ 40 ہزار 900 روپے جبکہ 10 گرام سونا 4972 روپے اضافے سے 3 لاکھ 78 ہزار روپے کا ہوگیا۔
عالمی مارکیٹ میں بھی سونے کی قیمت میں نمایاں اضافہ ہوا، جہاں فی اونس سونا 58 ڈالر بڑھ کر 4198 ڈالر پر پہنچ گیا۔
اسی طرح چاندی کی قیمتوں میں بھی اضافہ ریکارڈ کیا گیا۔ فی تولہ چاندی 90 روپے کے اضافے سے 5337 روپے جبکہ 10 گرام چاندی 77 روپے اضافے سے 4575 روپے ہوگئی۔
علاوہ ازیں عالمی مارکیٹ میں بھی فی اونس چاندی کی قیمت 52.50 ڈالر رہی۔
