وزیراعظم کی معاون خصوصی ڈاکٹر فردوس عاشق اعوان نے کہا ہے کہ وزیراعظم کی زیرصدارت کابینہ اجلاس میں مسابقت کمیشن کی چیئرپرسن کو عہدے سے ہٹانے کا فیصلہ کیا ہے جس  کی منظوری دے دی ہے۔

تفصیلات کے مطابق میڈیا بریفنگ کرتے ہوئے ڈاکٹر فردوس عاشق اعوان کا کہنا تھا کہ وزیراعظم کی زیرصدارت کابینہ اجلاس میں مسابقت کمیشن کی چیئرپرسن کوعہدےسےہٹانےکافیصلہ کیاہے جس  کی منظوری دے دی ہے اور ساتھ ہی مسابقتی کمیشن کی تنظیم نو کا بھی فیصلہ کیاگیا ہے۔

 انہوں نے کہا کہ وزیراعظم کی زیرصدارت کابینہ اجلاس میں تعمیراتی صنعت کیلئے اسلام آباد میں سیلزٹیکس کے خاتمے کی منظوری  بھی دی ہے۔

 فردوس عاشق اعوان کہتی ہیں کہ حکومت نے پاورسیکٹرسےمتعلق انکوائری رپورٹ پبلک کرنے کی منظوری دیدی ہے۔

قانون کی خلاف ورزی کرنے والوں کو کوئی معافی نہیں، اسد عمر

یاد رہے کہ اس سے قبل وفاقی کابینہ نے پاور سیکٹر کی انکوائری رپورٹ پبلک کرنے کی منظوری دے دی، وزیرِ اعظم عمران خان نے انکوائری رپورٹ پر کمیشن بنانے کی ہدایت بھی کر دی۔

وزیراعظم عمران خان کی زیرصدارت وفاقی کابینہ کے اجلاس میں تعمیراتی شعبے کو سیلز ٹیکس کی چھوٹ دینے کی منظوری دی گئی ۔

ذرائع کے مطابق وزیرِ اعظم  کی زیرِ صدارت وفاقی کابینہ کا اجلاس ختم ہوگیا ہے، کابینہ اجلاس میں 5 نکاتی ایجنڈے پر بات ہوئی۔

 کابینہ نے ریٹائرمنٹ کے بعد سرکاری رہائشگاہ سے متعلق پالیسی پر نظرثانی کی بھی منظوری دی، وقت سے پہلے ریٹائر ہونے والے ملازمین 6 ماہ سے زیادہ سرکاری رہائش استعمال نہیں کر سکیں گے۔

کابینہ نے مسابقتی کمیشن کی تشکیل نو سے متعلق سفارشات کی بھی منظوری دے دی، وفاقی کابینہ نے اقلیتوں کے قومی کمیشن کی تشکیل نو کی بھی منظوری دی، کابینہ کمیٹی برائے قانون سازی اجلاس میں کیے گئے فیصلوں کی بھی توثیق کی۔

اجلاس میں کابینہ کو کورونا وائرس کے خلاف اقدامات پر بریفنگ دی گئی جبکہ ملکی سیاسی اور معاشی صورتِ حال کا جائزہ بھی لیا گیا۔