پنجاب اسمبلی کا 34 واں اجلاس کل دوپہر 2 بجے شروع ہوگا جس میں متعدد اہم بلز اور حکومتی امور پر بحث کی جائے گی۔

اجلاس کی صدارت اسپیکر پنجاب اسمبلی ملک محمد احمد خان کریں گے اور اس دوران کئی اہم قانونی ترامیم اور عوامی مفاد کے بلز پیش کیے جائیں گے۔

تفصیلات کے مطابق  پنجاب اسمبلی کا 34 واں اجلاس کل دوپہر 2 بجے شروع ہوگا جس میں متعدد اہم مسائل پر بحث کی جائے گی۔

اجلاس کی صدارت سپیکر پنجاب اسمبلی ملک محمد احمد خاں کریں گے اور اس میں مختلف محکموں سے متعلق اہم بلز، سوالات اور توجہ دلاؤ نوٹس زیر بحث آئیں گے۔

اجلاس میں محکمہ اسکول و ہائر ایجوکیشن سے پوچھے گئے سوالات کے جوابات دیے جائیں گے، جس کے بعد ارکان اسمبلی اہم نوعیت کے مسائل پر توجہ دلاؤ نوٹس پیش کریں گے۔

اجلاس میں زیر بحث آنے والے اہم امور میں پانچ موجودہ التواء کار شامل ہوں گے جن پر تفصیلی بحث کی جائے گی۔

ان کے علاوہ، پنجاب فنانس ترمیمی بل 2025، پنجاب اینفورسمنٹ اینڈ ریگولیشنز ترمیمی بل اور پنجاب لوکم ہائرنگ بل 2025 بھی منظوری کے لیے پیش کیے جائیں گے۔

منشیات ترمیمی بل 2025 اور پنجاب کنٹرول آف نارکوٹکس سبسٹینسز ترمیمی بل 2025 بھی ایجنڈے میں شامل ہیں، جنہیں اسمبلی کے سامنے پیش کر کے منظور کرانے کی کوشش کی جائے گی۔

اس کے علاوہ، ارکان اسمبلی اہم نوعیت کے معاملات پر اپنے خیالات کا اظہار کریں گے، جن میں عوامی مفاد کے امور، حکومتی پالیسیوں کی تنقید اور نئے اقدامات شامل ہوں گے۔

اجلاس میں حکومتی اقدامات اور عوامی مسائل پر بحث کے ساتھ ساتھ قانون سازی کی اہمیت پر بھی زور دیا جائے گا۔ اجلاس کے اختتام پر مختلف بلز کی منظوری کے لیے ووٹنگ بھی متوقع ہے۔