پاک فوج اور سیکیورٹی ادارے ملک سے دہشتگردی کے ناسور کو عوام کے تعاون سے ختم کرنے کے لیے پرعزم ہیں۔
پاک فوج کے زیر اہتمام بنوں، جانی خیل میں امن و امان کے قیام کیلئے قبائلی جرگہ کے انعقاد کیا گیا جس میں پاک فوج اور ضلعی انتظامیہ کے زیرِ انتظام جانی خیل کے قبائلی عمائدین اور مشران کی بڑی تعداد نے شرکت کی۔
جنرل آفیسر کمانڈنگ میرانشاہ نے علاقے میں قیام امن کیلئے قبائلی عمائدین کے کردار کا خیرمقدم کیا اور کہا کہ عوام کے تعاون سے علاقے میں امن و ترقی کا سفر کامیابی سے جاری ہے۔
جرگے میں جانی خیل قبائل اور نواحی علاقوں میں سیکیورٹی صورتحال، دہشتگردی کی روک تھام اور فلاحی کاموں پر بات چیت ہوئی جبکہ قبائلی رہنماؤں نے امن و امان کے حوالے سے اپنی تجاویز بھی پیش کیں۔
عمائدین اور جرگے کے شرکاء نے حکومت، انتظامیہ اور سیکیورٹی فورسز کے ساتھ بھرپور تعاون کا اعادہ کیا جبکہ پاک فوج اور سیکیورٹی ادارے ملک سے دہشتگردی کے ناسور کو عوام کے تعاون سے ختم کرنے کے لیے پرعزم ہیں۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
