وفاقی کابینہ کا آج ہونے والا اہم اجلاس ملتوی کر دیا گیا ہے، تمام کابینہ اراکین کو اجلاس کے ملتوی ہونے کی اطلاع دے دی گئی ہے۔
ذرائع کے مطابق وفاقی کابینہ کے آج ہونے والے اجلاس میں 27 ویں آئینی ترمیم کی منظوری دی جانا تھی۔ تاہم اجلاس وزیر اعظم شہباز شریف کی مصروفیات کے باعث ملتوی کیا گیا۔
وزیراعظم شہباز شریف کچھ دیر بعد آذربائجان کے دورے پر روانہ ہوں گے ، جہاں وہ باکو میں آذربائجان کی وکٹری ڈے تقریبات میں شرکت کریں گے۔
دورے کے دوران وزیراعظم کی عالمی رہنماؤں سے ملاقاتیں بھی متوقع ہیں۔
یہ بھی پڑھیں: 27 ویں آئینی ترمیم کے حق میں قرارداد پنجاب اسمبلی میں جمع
Advertisement
ذرائع کا کہنا ہے کہ 27 ویں آئینی ترمیم سے متعلق وزیراعظم شہباز شریف نے اتحادی جماعتوں کو اعتماد میں لے لیا ہے، وزیراعظم شہباز شریف نے ایم کیو ایم پاکستان کے وفد سے ملاقات میں بلدیاتی مسودے کو 27 ویں ترمیم میں شامل کرنے کا یقین دلایا جس کے بعد متحدہ نے بھی ترمیم کی حمایت کر دی۔
دوسری جانب پاکستان پیپلز پارٹی نے 27 ویں آئینی ترمیم کے حوالے سے آرٹیکل 243 میں تبدیلی کے سوا تمام نکات مسترد کر دیے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
