یہ انوکھا واقعہ تائیوان کے کیلونگ میوزیم آف آرٹ میں پیش آیا جہاں ایک مقامی فنکار کا فن پارہ نمائش کے لیے رکھا گیا تھا، تاہم میوزیم میں صفائی پر مامور ایک شخص نے اسے آئینہ سمجھ کر صاف کردیا۔
’انورٹڈ سنٹیکس 16‘ نامی یہ فن پارہ دراصل دھول سے ڈھکے ہوئے ایک آئینے پر مشتمل تھا، جسے لکڑی کے ایک سادہ بورڈ پر نصب کیا گیا، اس آئینے کے وسط میں ایک دھبہ تھا جس میں متوسط طبقے کے معاشرے کی ثقافتی بیداری کی نمائندگی کی گئی تھی۔
یہ بھی پڑھیں: فرانس کے لوور میوزیم میں بڑی چوری، نایاب شاہی زیورات صرف سات منٹ میں غائب
’انورٹڈ سنٹیکس 16‘ کو ڈھانپنے والی دھول کی یہ موٹی تہہ گزشتہ 40 برس میں جمع ہوئی تھی اور اس آرٹ ورک کا ایک لازمی اور اہم حصہ تھی، تاہم کیلونگ میوزیم آف آرٹ کے عملے کی مدد کرنے والے ایک رضاکار نے اس مٹی اور دھول کی فنکارانہ اہمیت کو نہ پہچانتے ہوئے، اسے ٹوائلٹ پیپر سے صاف کرکے ناقابل تلافی نقصان پہچایا۔
In Taiwan, a janitor accidentally destroyed an art piece after mistaking it for a dirty mirror
The work by artist Chen Sung-chi, titled “Inverted Syntax — 16”, featured a dusty mirror partially covered by cloth — a symbol of the distorted self-awareness of the middle class.… pic.twitter.com/Z4Q927xtzz
— NEXTA (@nexta_tv) November 10, 2025
میوزیم کے نائب ڈائریکٹر چنگ ٹنگ چنگ نے کہا کہ اس غلطی کے بعد محکمے نے فن پارے کے مالک سے فوری رابطہ کیا اور معافی مانگی، اور فی الحال وہ فنکار سے ممکنہ معاوضے پر بات چیت کر رہے ہیں۔
