پاکستان میں یورپی ممالک کے سفیروں اور یونیسکو حکام نے آذادی صحافت کے عالمی دن پر پاکستانی صحافیوں کے ساتھ بھرپور اظہار یکجہتی کیا ہے۔

اپنے مشترکہ ویڈیو پیغام میں ان کا کہنا تھا کہ ہم آزادی صحافت کے لیے اکٹھے ہیں یورپی یونین کی سفیر انڈرولا کمارینین نے کہا کہ آزادی صحافت کسی بھی جمہوریت کا اہم جزو ہے۔,

 ڈینش سفیر رالف ہامبوِے نے واضح کیا کہ آزادی صحافت کے بغیر آزادی اظہار رائے ممکن نہیں, فرانسیسی سفیر مارک بیریٹی نے کہا کہ آزادی صحافت اور حقائق سے متعلق معلومات جمہوریت کے لیے ضروری ہیں جبکہ جرمن سفیر برنہارڈ شلا گہک کا کہنا تھا کہ آزادی اظہار رائے ہر انسان کا بنیادی حق ہے۔

سویڈش سفیر انگرڈ جہانسن نے کہا کہ آزاد اور خودمختار میڈیا پر یقین رکھتی ہوں کیونکہ جمہوری نظام کے لیے آکسیجن کا کردار ادا کرتی ہے جبکہ ہسپانوی سفیر نے بھی واضح کیا کہ ہمیں آزاد آوازیں ضرورت ہیں تاکہ ہم فیصلہ کر سکیں کہ ہم نے کس کو سپورٹ کرنا ہے یا نہیں۔

اس موقع پر نیدرلینڈ کے سفیر ووٹر پلومپ نے کہا کہ موجودہ حالات میں ہمیں آزادی صحافت کی زیادہ ضرورت ہےجبکہ  جمہوریہ چیک کے سفیر ٹامس سمیٹنکا نے کہا کہ آذادی صحافت کے بغیر کوئی جدید معاشرہ ترقی نہیں کر سکتا۔

بیلجیئم کے سفیر فیلپ برونچین کا کہنا تھا کہ صحافت کی اہمیت یہ ہے کہ یہ تصدیق شدہ معلومات فراہم کرتی ہے۔