پنجاب حکومت نے لاک ڈاؤن کے باعث مستحق فنکاروں کے لئے مالی امداد کے پیکج کی منظوری دے دی گئی ہے جس کے بعد محکمہ اطلاعات و ثقافت پنجاب نے مستحق فنکاروں کے لیے مالی امداد کا پیکج تیار کر لیا ہے۔
وزیر اعلیٰ پنجاب عثمان بزدار نے کہا کہ پنجاب حکومت 3 ہزار فنکاروں کی مالی معاونت کرے گی اور مستحق فنکاروں کو 15 سے 20 ہزار روپے تک مالی امداد دیں گے۔
یاد رہے کہ وزیر اعلیٰ پنجاب عثمان بزدار کی جانب سے مستحق فنکاروں کے لئے مالی امداد کے پیکج کی منظوری دی گئی ہے۔
کورونا سے متاثر افراد کی تعداد 21501 تک پہنچ گئی
قبل ازیں پنجاب حکومت نے صوبے میں مرحلہ وار کاروبار کھولنے کی اجازت دینے کا فیصلہ کیا اور صوبے بھر میں صبح نو سے رات آٹھ بجےتک یوٹیلٹی اسٹورز کھولنے کی اجازت دے دی۔
کپڑے سے متعلقہ تمام صنعتیں جلد کھول دی جائیں گی جب کہ حجام سمیت دیگر چھوٹے کاروبار کو بھی کام کی اجازت ہو گی جبکہ ٹیکسٹائل سے متعلقہ صنعتوں اور چھوٹے کاروبار کو مقررہ اوقات کار میں کام کی اجازت ہوگی۔
وزیراعلی پنجاب سے اپٹما اور صنعتکاروں کے وفد نے بھی ملاقات کی جس میں صنعتکاروں اور تاجر برادری کے مسائل حل کرنے کی یقین دہانی کرادی۔
خیال رہے کہ ملک میں کورونا وائرس کے آج مزید 506 افراد میں مہلک وائرس کی تشخیص ہوئی جن میں سندھ سے 0 ، اسلام آباد میں 49، بلوچستان میں 0 ، پنجاب میں 457 اور گلگت بلتستان میں 0 ، خیبرپختونخوا میں 0 کورونا وائرس کے کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 21501 تک پہنچ گئی ہے۔
پاکستان میں کورونا وائرس سے متاثرہ مریضوں کی اعداد و شمار کے مطابق اس وقت سندھ میں 7882 ، بلوچستان میں 1321 ، خیبرپختونخوا میں 3288 ،اسلام آباد میں 464 ، گلگت بلتستان میں 372 ، پنجاب میں 8103 اور آزاد کشمیر میں 71 مریض موجود ہے۔
یاد رہے اس سے قبل ترجمان محکمہ صحت سندھ کے جاری اعداد و شمار کے مطابق سندھ بھر میں 417 افراد میں کورونا وائرس کی تصدیق ہوئی جس کے بعد سندھ بھر میں کورونا متاثرین کی تعداد 7882 ہوگئی ہے۔
