تفتان، چمن اور طورخم بارڈر پر1200  کمروں پر مشتمل تین قرنطینہ سینٹرز کا قیام کرنے کا فیصلہ کیا گیا ہے۔

تفصیلات کے مطابق این ڈی ایم اے کا کہنا ہے کہ تفتان میں 600، جبکہ چمن اور طورخم بارڈر پر تین تین سو کمروں کے قرنطینہ سینٹرز قائم کئے جا رہے ہیں۔

این ڈی ایم اے کے مطابق پری فبریکیٹڈ پورٹیبل کنٹینر میں ایک کمرہ ایک باتھ روم طرز پر یہ قرنطینہ سنیٹر قائم کیے جا رہے ہیں  جبکہ طورخم کا قرنطینہ سینٹر مکمل کر کے لوکل انتظامیہ کے حوالہ کر دیا گیا ہے اور تفتان اور چمن کےسینٹر بھی جلد مکمل کر لیے جائیں گے۔

شاہد خاقان عباسی کی حفاظتی ضمانت منظور

دوسری جانب حکومت سندھ کے فیصلے کے مطابق پی اے ایف میوزیم کے کنونشن سینٹر میں 1 ہزار بستر پر مشتمل آئسولیشن اسپتال قائم کیا جائے گا جبکہ آئسولیشن سینٹر کے نگران ڈی ایچ او کورنگی ڈاکٹر اصغر عباس مقرر کئے گئے ہیں۔

سینٹر میں ڈاکٹرز کی تعیناتی کا مرحلہ بھی شروع کردیا گیا ہے جس کے مطابق کراچی کے تمام سرکاری اسپتالوں میں سے ڈاکٹرز کو آِسولیشن وارڈ میں تعینات کیا جائے گا۔

اس ضمن مین سندھ ھکومت کی جانب سے سرکاری اسپتالوں کے ڈاکٹرز کی تعیناتی کا نوٹیفکیشن بھی جاریکردیا گیا ہے۔

سرکاری اسپتالوں کی 14 ڈاکٹرز کو فوری طور پر پی اے ایف کنونشن سینٹر رپورٹ کرنے کا حکم بھی صادر کردیا گیا ہے۔

نوٹیفکیشن جاری ہونے کے بعد پی اے ایف میوزیم میں قائم کئےجانے والے ائی سولیشن اسپتال میں میں ڈاکٹروں کی تعیناتیوں کا عمل شروع کردیا گیا ہے۔

17 گریڈ پر مشتمل 14 خاتون میڈیکل آفیسر پی اے ایف میوزیم فیلڈ آئسو لیشن سینٹر میں تعیناتی کا نوٹیفیکیشن جاری کردیا۔

گریڈ 17 کی تمام آفیسرز پی اے ایم میوزیم میں قائم کئے جانے والے فیلڈ آئسو لیشن سینٹر میں کورونا کے مریضوں کے علاج کے لئے اپنی ڈیوٹیز سر انجام دیں گیں۔

 نوٹیفکیشن مین کہا گیا ہے کہ لانڈھی ، کورنگی ، اور ملیر کے اسپتالوں میں کام کرنے والی ڈبلیو ایم اوز کو پی اے ایف میوزیم میں تعینات کیا جائگا۔