حکومت کی جانب سے ٹرین آپریشن 10 مئی سے جزوی بحال کرنے کی تیاری کر لی  گئی ہے۔

ٹرین آپریشن بحالی کے لئے وزارت ریلوے نے پاکستان ریلوے کو مراسلہ جاری کر دیا ہے اور ساتھ ہی وزارت ریلوے کی ریلوے حکام کو ٹرین آپریشن بحالی سے متعلق انتظامات مکمل کرنے کی ہدایات بھی جاری کی ہیں۔

ابتدائی طورپر چاروں صوبوں میں ٹرین آپریشن جزوی بحال کیا جائیگا جبکہ وزیر عظم کی حتمیٰ منظوری کے بعد اپ اینڈ ڈاؤن 24 ٹرینیں چلائی جائیں گی۔

وزارت ریلوے نے خصوصی ٹرین آپریشن کے لئے ایس او پی پر عملدرآمد کا لازمی قرار دیدیا ہے جبکہ خصوصی ٹرینوں آپریشن کے دوران مسافروں اور عملے کے لیے ہدایات پر عمل لازم ہوگا۔

ذرائع کا کہنا ہے کہ کوتاہی کی صورت میں ریلوے قانوانین کے تحت سخت کاروائی کی جائیگی اور ممکنہ طور پر لاک ڈاؤن کے بعد بھی ریزرویشن دفاتر بند رہیں گے

ٹرین آپریشن بحالی پر مسافروں کو صرف آن لائن بکنگ کے ذریعے ہی ٹکٹ دستیاب ہونگی۔

ذرائع نے بتایا کہ ٹرین کی 60 فیصد سیٹیں بک ہونے کے بعد بکنگ روک دی جائے گی اور 60 فیصد بکنگ سےسماجی فاصلہ پالیسی پر عملدرآمد کو یقینی بنایا جائیگا۔

خصوصی ٹرینوں کی بکنگ روانگی سے 24 گھنٹے پہلے بند کر دی جائے گی اور خصوصی ٹرینیں چلنے کی صورت میں مسافروں کو ٹرین کی روانگی سے 1 گھنٹہ قبل سٹیشن پہنچنا ہوگا۔

پاکستان ریلوے تین روز میں اپنے فیڈ بیک سے وزارت ریلوے کو آگاہ کرے گا۔