وزیراعظم آزادکشمیر راجہ فاروق حیدر خان نے کہا ہے کہ کورونا کے وبا کے دوران بھی بزدل ہندوستانی فوج معصوم بچوں عورتوں کو نشانہ بنا رہی ہے۔

تفصیلات کے مطابق وزیراعظم آزادکشمیر راجہ فاروق حیدر خان نے لائن آف کنٹرول پر ہندوستانی فوج کی فائرنگ کی شدید مذمت کرتے ہوئے کہا کہ ہندوستانی فوج مسلسل بین الاقوامی قوانین کی خلاف ورزی کرتے ہوے آبادی کو بھاری ہتھیاروں سے نشانہ بنا رہی ہے۔

راجہ فاروق حیدر خان نے کہا کہ عالمی برادری کوہیلتھ ایمرجنسی کے دوران ہندوستان کے جارحانہ اقدامات کا نوٹس لینا چاہیے، ہندوستانی فوج کے اقدامات انسانیت سے عاری اور مودی کی انتہا پسندانہ سوچ کے عکاس ہیں۔

وزیراعظم آزادکشمیر راجہ فاروق حیدر خان نے یہ بھی کہا کہ مقبوضہ وادی میں تحریک مزاحمت میں شدت سے ہندوستان بوکھلا گیا ہے، آج ہونیوالی فائرنگ سے تین بچیوں باتوں سمیت 6 شہری زخمی ہوے تھے۔

بھارتی فوج کی ایل او سی پربلااشتعال فائرنگ، 6 شہری زخمی

یاد رہے اس سے کچھ دیر قبل پاک فوج کے شعبہ تعلقات عامہ (آئی ایس پی آر) سے جاری بیان کے مطابق بھارتی فورسز نے ایل اوسی پر سیز فائر کی خلاف ورزی  کرتے ہوئے نیز اپیر اوررکھ چکری سیکٹرز پر بھاری ہتھیاروں کا استعمال کیا ۔

ترجمان آئی ایس پی آر نے یہ بھی کہا تھا کہ بھارتی فوجیوں نےمارٹر، آرٹلری اور خود کار ہتھیاروں کا اندھا دھندا ستعمال کیا اور جان بوجھ کرایل اوسی پرشہری آبادی کونشانہ بنایا۔

پاک فوج کے شعبہ تعلقات عامہ کے ترجمان  نے مزید کہا تھا کہ بھارتی فوج کی فائرنگ سےمیندر، کرنی ،ڈگوار گاؤں کے 6 شہری زخمی ہوئے، زخمیوں میں خاتون اور3بچیاں بھی شامل ہیں جنہیں طبی امداد کیلئے اسپتال منتقل کیا گیا ہے۔