انگلینڈ کرکٹ ٹیم کا آئسولیشن میں جانے کا فیصلہ

زاہد فاروق ملک

10th May, 2020. 12:08 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انگلینڈ کرکٹ ٹیم کا آئسولیشن میں جانے کا فیصلہ

ٹیسٹ کرکٹ کو بچانے کیلئے انگلینڈ کرکٹ ٹیم نے ایک ماہ کے لیے خود ساختہ آئسولیشن میں جانے کا فیصلہ کرلیا۔

تفصیلات کے مطابق انگلینڈ کرکٹ ٹیم نے ٹیسٹ کرکٹ کو بچانے کے لیے ایک ماہ کے لیے خود ساختہ آئسولیشن میں جانے کا فیصلہ کرلیا ہے۔

پاکستان اور ویسٹ انڈیز کے خلاف سیریز سے پہلے انگلش کرکٹ ٹیم ایک ماہ تنہائی میں رہے گی۔ اس دوران کھلاڑی کسی سے ملاقات نہیں کریں گے۔

انگلش کرکٹ ٹیم کے کپتان جو روٹ کا کہنا ہے کہ یہ فیصلہ سمر سیزن ٹیسٹ کرکٹ بچانے کے لیے کیا گیا ہے۔شائقین پھر سے براہ راست کرکٹ دیکھنے کے لیے بے تاب اور کھلاڑی پرجوش ہیں۔

جو روٹ نے کہا کہ کھلاڑی ہوٹل کے ایک حصے میں آئسولیشن میں رہیں گے اور حفاظتی تدابیر پر پوری طرح سے عمل کریں گے۔

انگلش ٹیم کے کپتان کا کہنا ہے کہ ایک ماہ آئسولیشن کے دوران کھلاڑی کسی سے بھی ملاقات نہیں کریں گے۔

واضح رہے کہ انگلینڈ میں ٹیسٹ کرکٹ 8 جولائی سے شروع ہوگی۔

جولائی سے انگلینڈ کرکٹ ٹیم کو پاکستان اور ویسٹ انڈیز کے درمیان سیریز میں 6 ٹیسٹ، 6 ون ڈے اور 6 ٹی ٹوئنٹی انٹرنیشنل میچز کھیلنا ہیں۔