پاکستان میں کورونا وائرس کے مزید 1818 افراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد28813 تک پہنچ گئی ہے۔

تفصیلات کے مطابق ملک میں کورونا وائرس کے آج  مزید 1818 افراد میں مہلک وائرس کی تشخیص ہوئی جن میں سندھ سے 1080 ، اسلام آباد میں 51، بلوچستان میں 58، پنجاب میں 438 اور گلگت بلتستان میں 69 ، خیبرپختونخوا میں 182 کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 10771 ، بلوچستان میں 1935 ، خیبرپختونخوا میں 4509 ،اسلام آباد میں 609 ، گلگت بلتستان میں 430 ، پنجاب میں 10471 اور آزاد کشمیر میں 88 مریض موجود ہے۔

یاد رہے کہ وزیراعلیٰ سندھ مراد علی شاہ نے کورونا وائرس کی صورتحال کے حوالے سے ویڈیو بیان جاری کرتے ہوئے کہا کہ سندھ کی تاریخ میں پہلی مرتبہ اس وبا سے 24 گھنٹوں میں 1080 نئے کیسز رپورٹ ہوئے، جس کے بعد سندھ میں کورونا کے مریضوں کی تعداد 10771 ہوگئی ہے۔

سید مراد علی شاہ نے کہا کہ اس وقت سندھ میں 8571 مریض زیرعلاج ہیں، زیرعلاج مریضوں میں 7432 گھروں ، 609 آئیسولیشن مراکز اور 530 اسپتالوں میں  ہیں 101 مریضوں کی حالت تشویشناک ہے اور ان میں 23 وینٹی لیٹرز پر ہیں اور1080 کیسز میں سے کراچی میں 583 کیسز رپورٹ ہوئے ہیں۔

سندھ میں ایک روز میں 1000 سے زائد کورونا کیسز سامنے آگئے

دوسری جانب بلوچستان میں 58 افراد میں کوروناوائرس کی تصدیق ہو ئی جس کے بعد صوبے بھر میں کوروناوائرس کے کل کیسز کی تعداد 1935 ہوگئی ہے جبکہ محکمہ اطلاعات خیبرپختونخوا نے اپنے ایک بیان میں کہا کہ خیبرپختونخوا میں 182 افراد میں کورونا وائرس کی تصدیق ہو ئی جس کے بعد صوبے بھر میں میں کوروناوائرس کے کل کیسز کی تعداد 4509 ہوگئی ہے ۔

اسی عرصے میں ترجمان پرائمری اینڈ سیکنڈری ہیلتھ کئیر نے بھی اپنے بیان میں کہا کہ پنجاب میں کورونا وائرس کے مزید 438 کیسز کی تصدیق ہوئی ہے جس کے بعد صوبے بھر میں مجموعی تعداد 10471 ہو گئی۔

دریں اثناء آج گلگت بلتستان میں کرونا وائرس کے مزید 2 کیسز کی تصدیق ہوئی ہے جس کے بعد صوبے بھر میں کورونا کے کیسز کی تعداد 69 ہوگئی ہے جبکہ اسلام آباد میں کرونا وائرس کے مزید 4 کیسز کی تصدیق ہوئی ہے جس کے بعد صوبے بھر میں کورونا کے کیسز کی تعداد 430 ہوگئی ہے ۔