پاکستانی گلوکارہ صنم ماروی نے تیسری شادی سے متعلق خبروں کی تردید کردی ہے۔

تفصیلات کے مطابق گلوکارہ صنم ماروی نے سوشل میڈیا پر ایک ویڈیو جاری کی ہے جس میں انہوں نے کہا کہ ان کی زندگی میں دیگر بھی مسائل ہیں، تاہم تیسری مرتبہ شادی کا سوال ہی پیدا نہیں ہوتا ہے۔

صنم ماروی نے کہا کہ اگر ایسا کچھ ہو گا تو میں سب سے پہلے اپنے مداحوں کو بتاوں گا۔

صنم ماروی نے اپنے سابقہ شوہر سے درخواست کی کہ وہ ان پر رحم کریں اور انہیں جینے دیں۔

یاد رہے کہ گلوکارہ کی حامد علی کے ساتھ دوسری شادی تھی جن سے ان کے تین بچے بھی ہیں جب کہ ان کی پہلی شادی آفتاب احمد سے ہوئی تھی جنہیں 2009 میں کراچی میں قتل کر دیا گیا تھا۔

گلوکارہ نے اپنی درخواست میں الزام عائد کیا تھا کہ ان کے تین بچے ہیں اور ان کا شوہر بچوں کے سامنے انہیں گالیاں دیتا اور مارتا پیٹتا ہے

گلوکارہ نے عدالت کو بتایا کہ انہوں نے  2009 میں حامد علی سے شادی کی تھی جبکہ وہ اپنے بچوں کی خاطر شوہر کا ظلم برداشت کرتی رہی ہیں۔

ان کا کہنا تھا کہ جھوٹ گھرانوں کی تباہی کا بڑا سبب ہے، 11 سال سے شوہر کا تشدد برداشت کر رہی تھی لیکن اب اس کے ساتھ مزید رہنا نہیں چاہتی۔

واضح رہے کہ صنم ماروی نے اپنے شوہر حامد علی سے خلع لینے کے لیے رواں سال 7 فروری کو لاہور کی فیملی کورٹ میں اپنے وکیل ایڈووکیٹ حامد مقبول کے توسط سے درخواست دائر کی تھی۔