نیب میں بھی کورونا کا پہلا کیس سامنے آ گیا جس میں ڈپٹی ڈائریکٹر نیب کوئٹہ محمد بلال کا کورونا ٹیسٹ مثبت آ یا ہے۔

کورونا کا پہلا کیس سامنے آنے کے بعد نیب کی جانب سے کوئٹہ کے افسران اور ملازمین کا کورونا ٹیسٹ کروانے کا فیصلہ کیا گیا ہے جبکہ نیب کمپاونڈ میں رہائش پذیر افسران و فیملیز کا بھی کورونا ٹیسٹ لیا جائیگا۔

اس سے قبل اسلام آباد ہائی کورٹ اسٹاف کو ماسک فراہم کرنے والے اسٹور ملازم میں کورونا وائرس کی تصدیق ہوئی ہے۔ عدالتی حکام کا کہناہےکہ کورونا وائرس پازیٹو آنے کے بعد اسٹور کو بھی سیل کر دیا گیاہے۔

 کورونا وائرس سے حفاظت کے ماسک فراہم کرنے والے میں مہلک وائرس کی تصدیق پر ملازمین میں تشویش کی لہر دوڑ گئی۔

سندھ کے 11 سرکاری محکمے آج سے کھل گئے

خیال رہے کہ اس سے قبل چیف جسٹس کے سیکرٹری اسد کھوکھر اور رٹ برانچ کے عاطف میں بھی کورونا وائرس کی تصدیق ہو چکی ہے۔

ملک بھر میں کورونا سے متاثر افراد کی تعداد 30 ہزار 941 تک جاپہنچی ہے جس کے بعد ملک بھر میں 667 افراد جاں بحق جبکہ 8 ہزار  212 افراد صحت یاب ہوئے ہیں۔

پنجاب میں 11 ہزار 568 اور سندھ  میں کورونا کے 11 ہزار 480 کیسز سامنے آگئے ہیں، خیبرپختونخوا 4 ہزار 669 اور بلوچستان میں کورونا کے 2 ہزار 17 کیسزر پورٹ ہوئے جبکہ گلگت بلتستان 442 ،اسلام آباد679  اور آزاد کشمیر میں 88 کیسزریکارڈ کئے گئے ہیں۔

نیشنل کمانڈ اینڈ آپریشن سینٹر کا کورونا وائرس سے متعلق تازہ ترین اعداد و شمار جاری کردیگئی ہیں جس کے بعد ملک میں کورونا کے تصدیق شدہ کیسز کی تعداد 30 ہزار 941 تک پہنچ گئی۔

نیشنل کمانڈ اینڈ آپریشن سینٹر کے مطابق گذشتہ 24 گھنٹوں کے دوران 1476 نئے کیسز رپورٹ ہوئے جبکہ پنجاب میں کورونا وائرس کیسز کی تعداد سب سے زیادہ ہے جوکہ 11,568تک پہنچ گئی ہے۔

کمانڈ سینٹر کے مطابق مُلک بھر میں اب تک 8212 مریض مکمل طور پر صحتیاب ہوگئے جبکہ گزشتہ چوبیس گھنٹوں میں 28 نئی اموات سامنے آئیں جس کے بعد ملک بھر میں اموات کی مجموعی تعداد667 ہو گئی۔