وزیراطلاعات سندھ ناصرحسین شاہ نے کہا ہے کہ پیپلزپارٹی اور پی ٹی آئی میں فرق شعور اور شور کا ہے، پی ٹی آئی والے کام نہیں صرف شور کرتے ہیں۔

وزیراطلاعات سندھ ناصرحسین شاہ نے پریس کانفرنس کرتے ہوئے کہا ہے کہ وفاقی حکومت کے بروقت اقدامات نہ کرنے سے وائرس پھیلا لیکن ہم پر الزام لگایا گیا کہ وزیراعلیٰ سندھ لوگوں کو ڈرا رہے ہیں لیکن ہم لوگوں کو حقائق بتارہے ہیں۔

انہوں نے کہا کہ ہم نے سیاسی پوائنٹ اسکورنگ قرنطینہ میں رکھ دی تھی اور لاک ڈاؤن کی مخالفت کرنے والوں نے ہمیں دیکھ کر لاک ڈاؤن لگایا گیا تھا۔

شیخ رشید نے نیب قانون میں ترمیم پر ساتھ نہ دینے کا اعلان کردیا

وزیر اطلاعات سندھ سید ناصر حسین شاہ نے پریس کانفرنس میں کہا کہ عالمی اداروں کی جناب سے سندھ کی تعریف وفاق کو ہضم نہیں ہورہی، 27 فروری کو ماہرین پر مشتمل ایک کمیٹی بنائی گئی اور اس کمیٹی کو بلاول بھٹو نے پہلے دن سے وفاقی حکومت کو ساتھ دینے کی یقین دہانی کرائی تھی۔

انہوں نے بتایا کہ کورونا وائرس کے ساتھ لمبے عرصے کے لئے رہنا ہوگا، اس کے لئے طویل المدتی پالیسی بنائی جا رہی ہے لیکن پیپلزپارٹی اور پی ٹی آئی میں فرق شعور اور شور کا ہے، پی ٹی آئی والے کام نہیں صرف شور کرتے ہیں۔

انہوں نے واضح کیا کہ وفاق کے سندھ پر الزامات میں کوئی حقیقت  نہیں ہے، دو وفاقی وزرا سندھ حکومت پر تنقید کے لئے سندھ بھیجے گئے ہیں، انہوں نے مزید کہا کہ ہمنے سندھ میں یوسیز سیل کیں تو تنقید کی گئی جبکہ اب اسلام آباد میں بہارہ کہو کو بھی سیل کیا گیا ہے۔

ناصر حسین شاہ کا کہنا تھا کہ سندھ میں 12ہزار بیڈ کی کپیسٹی موجود ہے جس کو 20 ہزار تک پہنچائیں گے۔

انہوں نے بتایا کہ سندھ میں کورونا کیلیے 280سے زائد وینٹیلیٹر مختص کیے گئے ہیں اور یہ بھی بتایا کہ این ڈی ایم اے کی جانب سے سندھ کو سے وینٹیلیٹر نہیں ملا نہ کوئی لیبارٹری قائم کر کے دی گئی ہے۔

ان کا کہنا تھا کہ وفاق حکومت نے ابتدا میں اقدامات نہیں کیے جس سے کوروںا پھیلا ہے اس لئے وزیر اعظم فرنٹ پر آئیں اور کورونا کے حوالے سے اقدامات کی اونرشپ لیں۔