ترجمان  دفتر خارجہ  عائشہ فاروقی نے کہا ہے کہ پاکستان پر امن مستحکم اور جمہوری افغانستان کا حامی ہے۔

تفصیلات کے مطابق ترجمان دفتر خارجہ عائشہ فاروقی نے افغان سیاسی قیادت کے درمیان معاہدے کا خیر مقدم کرتے ہوئے کہا ہے کہ کابل میں قومی مصالحت اور مخلوط حکومت سے متعلق معاہدہ خوش آئیند ہے ۔

عائشہ فاروقی  نے کہا کہ افغانستان دہائیوں سے تشدد اور تنازع کی زد میں ہے اور اس اہم موڑ پر ضروری ہے کہ تمام افغان لیڈر افغان تنازع کے حل اور پائیدار امن کیلئے ملکر کام کریں ۔

ترجمان دفتر خارجہ نے یہ بھی  کہا کہ کوڈ 19 کی صورت میں حالیہ چیلنج سے نمٹنے میں بھی یہ اقدام مددگار ہو گا۔

چین نے کرونا کے خلاف جنگ میں پاکستان کی مدد کی ہے،ترجمان دفتر خارجہ

عائشہ فاروقی کا کہنا تھا کہ امریکہ طالبان امن معاہدے نے افغان مفاہمت میں تاریخ رقم کی ہے اس لئے ضروری ہے کہ جلد از جلد انٹرا افغان مذاکرات کئے جائیں ۔

ترجمان دفتر خارجہ عائشہ فاروقی کا مزید کہنا تھا کہ انٹرا افغان مذاکرات کے ذریعے افغانستان میں امن ممکن ہے تمام افغان دھڑوں کو اپنے معاہدوں کا پاس رکھنا چاہیے جبکہ افغان دھڑوں کو اندرونی اور بیرونی سازشوں سے اپنے مفادات کا تحفظ کرنا ہو گا

واضح رہے اس سے قبل ترجمان دفتر خارجہ عائشہ فاروقی نے اپنے ایک بیان میں کہا تھا کہ پاکستان ہمیشہ سے پرامن افغانستان اور تمام افغان فریقین کے مابین سیاسی مفاہمت کا خواہاں ہے۔

عائشہ فاروقی نے کہا تھا کہ خطے میں امن کے لیے افغانستان کے امن و استحکام سے وابستہ ہے فروری میں ہونے والا امریکہ طالبان امن معاہدہ اہم پیشرفت ہے۔

 ترجمان دفتر خارجہ نے یہ بھی کہا تھا کہ امن معاہدہ انٹرا افغان مزاکرات کے لیے تاریخی موقع ہے پاکستان سمجھتا ہے کہ افغانستان میں امن کی خاطر تمام فریقین کو تشدد میں کمی لانا ہوگی۔

ترجمان دفتر خارجہ عائشہ فاروقی نے مزید کہا تھا کہ افغان قوم درپیش چیلنجر کا مقابلہ جامع سیاسی حکمت عملی سے ہی کرسکتی ہے پاکستان خوشحال پرامن مستحکم اور جمہوری افغانستان کی حمایت جاری رکھے گا۔