بھارتی قابض افواج کی جانب سے ایل او سی پر جنگ بندی کی خلاف ورزی، بھارتی ہائی کمشن کے سینئر سفارت کار کو دفتر خارجہ طلب کر لیا گیا ہے۔

تفصیلات کے مطابق ترجمان دفتر خارجہ کہتے ہیں کہ رواں برس بھارت اب تک جنگ بندی کی 1081 مرتبہ خلاف ورزیاں کر چکا ہے اس لئے بھارتی ہائی کمشن کے سینئر سفارت کار کو دفتر خارجہ طلب کر لیا گیا ہے۔

بھارتی جارحیت ہے کہ رکنے کا نام نہیں لے رہی اور جنگ بندی انتظامات کی بار بار خلاف ورزیاں دفتر خارجہ نے بھارتی ہائی کمشن کے سینیئر سفارتکار کو دفتر خارجہ طلب کر کہ شدید احتجاج ریکارڈ کرا دیا-

دفتر خارجہ کی ترجمان کے مطابق 17 مئی کو ایل او سی کے کھوئی رٹہ سیکٹر پر بھارتی فوج کی بلااشتعال فائرنگ سے 37 سالہ محمد شفیع شدید زخمی ہوا، ایسے واقعات روز کا معمول بن چکے ہیں، بھارت رواں برس اب تک 1081 مرتبہ جنگ بندی کی مفاہمت کی خلاف ورزیاں کر چکا ہے۔

بیان کے مطابق پاکستان میں بھارتی ہائی کمیشن کے سینیئر سفارتکار کو دفتر خارجہ طلب کر کے بھارت کی قابض افواج کی جانب سے جنگ بندی مفاہمت کی خلاف ورزی پر سخت احتجاج ریکارڈ کرایا۔

ان کا کہنا تھا کہ بھارتی فورسز ایل او سی اور ورکنگ باونڈری پر مسلسل معصوم شہریوں کو نشانہ بنا رہی ہیں۔بھارت کی اشتعال انگزیزی خطے میں امن و سلامتی کے لیے خطرہ ہے۔بھارت ایسی حرکتوں سے مقبوضہ کشمیر میں ریاستی دہشت گردی سے دنیا کی توجہ نہیں ہٹا سکتا ہے۔

ترجمان کے مطابق بھارت پر زور دیا گیا ہے کہ وہ اقوام متحدہ سلامتی کونسل کی قراردادوں پر عمل درآمد یقینی بنائے اور شہری آبادیوں کو نشانہ بنانا 2003 کی جنگ بندی مفاہمت کی خلاف ورزی ہے ،نہتے شہریوں کو بے گناہ نشانہ بنانا بین الاقوامی قوانین کے بھی منافی ہے۔

ایک دفعہ پھر بھارت پر زور دیا گیا ہے کہ وہ اقوام متحدہ کے فوجی مبصر گروپ کو ایل او سی کی معائنے کی اجازت دے تاکہ دینا اصل حقائق سے آگاہ ہو سکے۔