چیئرمین پاکستان پیپلز پارٹی بلاول بھٹو زرداری  نے کہا ہے کہ امید کرتا ہوں تو ملک  کی اعلی ترین عدلیہ میں سنجیدگی غالب رہے گی۔

تفصیلات کے مطابق چیئرمین پاکستان پیپلز پارٹی بلاول بھٹو زرداری نے سماجی رابطے کی ویب سایٹ ٹویٹر پر اپنے ایک پیغام میں کہا کہ میں یہ نہیں مان سکتا کہ ہماری عدلیہ کوئی ایسا فیصلے کرے گی جس سے پاکستان کے عوام کی زندگیاں اور صحت دائو پر لگ جائیں۔

Hoping sanity prevails in the highest court of our land. I don’t want to believe that the superior judiciary would pass any judgment endangering the health & lives of the people of Pakistan. I’m sure all honorable judges will give judgements based on facts & medical realities. IA

— BilawalBhuttoZardari (@BBhuttoZardari) May 18, 2020

پاکستان پیپلزپارٹی کے چیئرمین بلاول بھٹو زرداری نے اپنے  ٹویٹر پیغام میں مزید کہا کہ مجھے یقین ہے کہ تمام معزز ججز، حقائق اور صحت کے حالات کی بنیاد پر فیصلے دیں گے۔

یاد رہے اس سے قبل سپریم کورٹ کی جانب سے تمام شاپنگ مالز کھولنے کا حکم دیتے ہوئے ہفتے اور اتوار کو بھی ملک کی تمام چھوٹی مارکیٹیں اور تمام مالز کھلی رکھنے کی ہدایت کی گئی ہے۔

سپریم کورٹ میں کورونا ازخود نوٹس کیس کی سماعت چیف جسٹس گلزار احمد کی سربراہی میں ہوئی جس میں فیصلہ کیا گیا ہے کہ ملک بھر کے تمام مالز، دکانیں اور بازار کھول دیئے جایئے۔

ملک بھر میں تمام مالز کو بھی کھولنے کا حکم

سماعت کے دوران چیف جسٹس کا کہنا تھا کہ مارکیٹس میں چھوٹے طبقے کا کاروبار ہے اور اگر دکانیں بند کریں گے تو دکاندار تو کورونا کے بجائے بھوک سے مر جائے گا۔

چیف جسٹس کا کہنا تھا کہ چھوٹے دکانداروں کو کام کرنے سے نہ روکیں اور تمام مالز بھی کھولیں کیونکہ مالز میں ایس او پیز پر زیادہ بہتر عمل ہوسکے گا۔

سپریم کورٹ نے ہفتہ اتوار کو کاروبار بند رکھنے کا حکم کالعدم قرار دے دیا  ہے اور فیصلہ کیا کہ دو دن کاروبار بند رکھنے کا حکم آئین کے آرٹیکل 4, 18 اور 25 کی خلاف ورزی ہے۔

جسٹس گلزار احمد کا کہنا تھا کہایس او پیز پر عملدرآمد کے حوالے سے متعلقہ حکومتیں ذمہ دار ہوں گی اور آخر میں سپریم کورٹ میں کورونا ازخود نوٹس کیس کی سماعت ملتوی کردی گئی ہے۔