ڈونلڈ ٹرمپ کی ڈبلیو ایچ او کو وارنگ

اریبہ نثار

19th May, 2020. 06:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈونلڈ ٹرمپ کی ڈبلیو ایچ او کو وارنگ

ڈونلڈ ٹرمپ کی ڈبلیو ایچ او کو وارنگ دے دی ہے۔

تفصیلات کے مطابق امریکی صدر ڈونلڈ ٹرمپ نے دھمکی دی ہے کہ اگر عالمی ادارۂ صحت نے خود کو چین کے اثر سے آزاد نہ کیا تو امریکی فنڈنگ مستقل طور پر منجمد کر دیں گے۔

اس حوالے سے ورلڈ ہیلتھ اسمبلی کے سو سے زائد رکن ممالک نے بھی کورونا سے نمٹنے میں عالمی ادارۂ صحت کے ردِعمل کی تحقیقات کا مطالبہ کر دیا۔

ان تمام تر صورتحال پر ڈائریکٹر جنرل نے خامیوں کا اعتراف کیا اور کہا کہ ادارہ اپنے اقدامات کا آزادانہ جائزہ لے گا۔

ٹرمپ نے ڈبلیو ایچ او کے ڈائریکٹر جنرل ٹیڈ راس کو لکھا گیا ایک خط ٹوئٹر پر شیئر کیا ہے جس میں کورونا کی وباء سے نمٹنے میں ڈبلیو ایچ او کی خامیوں کی نشاندہی کی ہے۔

امریکی صدر ڈونلڈ ٹرمپ نے کہا کہ ایک ماہ کے اندر ٹھوس بہتری نہ آئی تو وہ بہت جلد امریکی فنڈنگ روک دیں گے۔

انہوں نے مزید کہا کہ ڈبلیو ایچ او کے مسلسل غلط اقدامات کی دنیا کو انتہائی سنگین قیمت ادا کرنی پڑرہی ہے۔

اس سے قبل اسمبلی سے خطاب کے دوران ٹیڈ راس نے اعتراف کیا تھا کہ ادارے کی طرف سے خامیاں رہی ہیں اور وہ جانچ پڑتال کے مطالبے کا خیر مقدم کرتے ہیں۔

واضح رہے کہ چینی صدر شی جن پنگ نے بھی کہا کہ وائرس پر قابو پانے کے بعد تحقیقات کرانی چاہئیں۔