سندھ ہائی کورٹ نے مرید عباس قتل کیس کے اہم ملزم عادل زمان کو ضمانت پر رہا کرنے کا حکم دے دیا۔

تفصیلات کے مطابق وکیل جبران ناصر نے بتایا کہ عدالت نے عادل زمان کی درخواست ضمانت پر تفصیلی فیصلہ جاری نہیں کیاہے۔

 جبران ناصر نے بتایا کہ سندھ ہائی کورٹ کا تفصیلی فیصلہ ملنے کے بعد ملزم کی ضمانت خارج کرنے کیلیے سپریم کورٹ سے رجوع کریں گے۔

یاد رہے کہ آج صبح کے اوقات میں سندھ ہائی کورٹ کے جسٹس آفتاب گورڑ نے فیصلہ محفوظ کیا تھا۔

اس حوالے سے پراسٹیکیوشن نے بھی ملزم کی درخواست ضمانت کی مخالفت کی تھی۔

دوسری جانب عادل زمان اور عاطف زمان نے تفتیشی ٹیم کے سامنے مرید عباس کے قتل کا اعتراف جرم کیا تھا۔

گواہوں نے دونوں ملزمان کو جوڈیشل مجسٹریٹ کے سامنے شناخت بھی کیا تھا۔

جس پستول سے عاطف زمان نے مرید عباس اور خضر حیات کو قتل کیا وہ پستول عادل زمان کے نام پر تھی۔

انہوں نے بتایا کہ سیشن عدالت نے ثبوتوں کی روشنی میں عادل زمان کی درخواست ضمانت مسترد کی تھی۔

گواہوں کے بیانات اور سی سی ٹی وی فوٹج میں واردات قتل میں موجودگی کے باوجود سندھ ہائیکورٹ نے عادل زمان کی ضمانت منظور کی۔

واضح رہے کہ دس ماہ گزر نے کے باوجود ملزمان اور انکے وکلا کے تاخیری حربوں کی وجہ سے مرید عباس قتل کیس میں فرد جرم بھی عائد نہیں ہوسکی۔