اسلامی تعاون تنظیم کے انسانی حقوق کے مستقل آزاد کمیشن نے مقبوضہ کشمیر میں بھارت کا نیا ڈومیسائل قانون مسترد کر دیا گیا ہے۔

تفصیلات کے مطابق او آئی سی کے کمیشن نکی جانب سے بھارتی نئے ڈومیسائل قانون کو مسترد کرتے ہوئے او آئی سی اور اقوام متحدہ سلامتی کونسل قراردادوں کی خلاف ورزی قرار دے دیا گیا ہے۔

اسلامی تعاون تنظیم کے انسانی حقوق کے مستقل آزاد کمیشن نےمقبوضہ کشمیر میں بھارت کا نیا ڈومیسائل قانون مسترد کرتے ہوئے مقبوضہ جموں کشمیر پر بھارتی غیرقانونی اقدامات روکنے کے لیے اقوام متحدہ اور عالمی برادری سے بھارت پر دباؤ ڈالنے کا مطالبہ کر دیا ہے۔

اسلامی تعاون تنظیم کے انسانی حقوق کے مستقل آزاد کمیشن کا کہنا ہے عالمی برادری مقبوضہ کشمیر پر اقوام متحدہ سلامتی کونسل اور او آئی سی کی قراردادوں پر عملدرآمد کو یقینی بنوائے اور کہا ہے کہ ہندوستانی حکومت کے مقبوضہ کشمیر میں نئے ڈومیسائل قانون کی شدید مذمت کرتے ہیں۔

انہوں نے کہا کہ جب دنیا کرونا کی عالمی وباء سے لڑ رہی ہے تو بھارت ایسے غیرقانونی اقدامات کر رہا ہے۔

او آئی سی انسانی حقوق کمیشن نے اپنے بیان میں مزید کہا بھارت نے مقبوضہ کشمیر میں مسلم اکثریت کے آبادیاتی ڈھانچے کو غیر قانونی طور پر تبدیل کرنے کی کوشش کی،ماضی کی طرح کشمیری عوام نے اس غیر قانونی اقدام کی سختی سے مذمت کی ہے،5 اگست 2019 سے بھارتی حکومت مقبوضہ کشمیر میں غیر قانونی اقدامات اور بین الاقوامی انسانی حقوق کی خلاف ورزیاں جاری رکھے ہے۔