حکومت پنجاب نے عید تک شاپنگ مالز اور مارکیٹوں  کے اوقات کار بڑھادیئےہیں۔

تفصیلات کے مطابق پنجاب کے وزیر تجارت میاں اسلم اقبا ل نے وزیراعلی  پنجاب عثمان بزدار کی منظوری کے بعدعید تک شاپنگ مالز اور مارکیٹوں کے اوقات کار بڑھا نے کت حوالے سے باضابطہ اعلان کردیا ہے۔

میاں اسلم اقبال نے اپنے ایک بیان میں کہا کہ کل شاپنگ مالز  کے اوقات کار شام پانچ بجائے کی بجائےرات دس بجے تک کردیا ہے جس کے بعد بازار اورمارکٹیں بھی عید تک رات دس بجے تک  کاروباری سرگرمیاں  کرسکیں گی

وزیر تجارت میاں اسلم اقبا ل نے یہ بھی کہا کہ کل سے صوبہ بھرمیں مزارات بھی کھول دیئے جائیں گے ، مزارات  کھولنے کے حوالے سے اوقارت کار کا اطلاق نہیں ہوگا۔

یاد رہے اس سے قبل سپریم کورٹ کی جانب سے تمام شاپنگ مالز کھولنے کا حکم دیتے ہوئے ہفتے اور اتوار کو بھی ملک کی تمام چھوٹی مارکیٹیں اور تمام مالز کھلی رکھنے کی ہدایت کی گئی ہے۔

سپریم کورٹ میں کورونا ازخود نوٹس کیس کی سماعت چیف جسٹس گلزار احمد کی سربراہی میں ہوئی جس میں فیصلہ کیا گیا ہے کہ ملک بھر کے تمام مالز، دکانیں اور بازار کھول دیئے جایئے۔

کاروبار 24گھنٹے کھولنے کا فیصلہ

سماعت کے دوران چیف جسٹس کا کہنا تھا کہ مارکیٹس میں چھوٹے طبقے کا کاروبار ہے اور اگر دکانیں بند کریں گے تو دکاندار تو کورونا کے بجائے بھوک سے مر جائے گا۔

چیف جسٹس کا کہنا تھا کہ چھوٹے دکانداروں کو کام کرنے سے نہ روکیں اور تمام مالز بھی کھولیں کیونکہ مالز میں ایس او پیز پر زیادہ بہتر عمل ہوسکے گا۔