پی آئی اے طیارہ حادثے میں جاں بحق افراد کی تعداد 76 ہوگئی

تنویر علی

22nd May, 2020. 10:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی آئی اے طیارہ حادثے میں جاں بحق افراد کی تعداد 76 ہوگئی

پی آئی اے طیارے کے حادثے میں 76 افراد کےجاں بحق ہونے کی تصدیق ہوچکی ہے۔

ترجمان محکمہ صحت سندھ کے مطابق پی آئی اے طیارے کے حادثے میں 76 افراد کےجاں بحق ہونے کی تصدیق ہوچکی ہے، 2 افراد طیارے حادثے میں خوش قسمتی سے بچ گئے ہیں، بچ جانے والے افراد دارلصحت اور سول اسپتال میں زیر علاج ہیں۔

تفصیلات کے مطابق 76 افراد میں سے 5 افراد کی شناخت کی جاچکی ہے، 44 ڈیڈ باڈیز جناح اسپتال میں ہیں جبکہ 32 ڈیڈ باڈیز سول اسپتال میں ہیں۔

واضح رہے کہ لاہور سے کراچی آنے والا پی آئی اے کا مسافر بردار طیارہ کراچی ایئرپورٹ کے قریب آبادی گرکر تباہ ہوگیا تھا، جہاز میں 91 مسافر اور عملے کے 7 افراد سوار تھے۔

حادثے کی شکار پرواز عید کی مناسبت سے خصوصی طور پر چلائی گئی تھی۔ پرواز نے دوپہر ایک بج کر 10 منٹ پر اڑان بھری تھی اور اپنے مقررہ وقت پر کراچی پہنچ گئی لیکن لینڈنگ سے چند ہی لمحوں پہلے پرواز کا کنٹرول روم سے رابطہ منقطع ہوگیا۔