زارا عابد کی پہلی شارٹ فلم ریلیز

عروبہ خان

26th May, 2020. 11:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

زارا عابد کی پہلی شارٹ فلم ریلیز

22 مئی کو کراچی میں گرنے والی پی آئی اے کی پرواز PK8303 میں جاں بحق ہونے والی مشہور ماڈل زارا عابد کی پہلی شارٹ فلم یوٹیوب پر جاری کردی گئی ہے۔

فلم کی ہدایات احمد صارم نے دی تھیں ، فلم زارا عابد کی زندگی کی پہلی اور آخری فلم ثابت ہوئی۔

اداکارہ صبا قمر نے فلم میں کہانی سنائی جس میں زارا کو دو خواتین کے طور پر پیش کیا گیا ہے جو بالکل مختلف زندگی گزار رہی ہیں لیکن ان کی خواہشات ایک جیسی ہیں۔ فلم میں سکے کے دو رخ دکھائے گئے ہیں۔

ہدایتکار احمد صارم نے بتایا کہ انہوں نے پچھلے سال اس فلم کی کہانی لکھی تھی، اس وقت ان کی عمر 16 سال تھی۔
اپنی اس کہانی کے لئے صارم نے زارا عابد سے رابطہ کیا جو فلم میں کام کرنے پر راضی ہوگئی تھیں۔

احمد صارم کے یوٹیوب چینل کا نام قصہ نگری ہے اور اس چینل کی پہلی ویڈیو ‘سکہ’ ہے جس میں زارا عابد نے اداکاری کی۔

زارا عابد پاکستانی فیشن انڈسٹری میں تیزی سے عروج پر آرہی تھیں اور اس سال ہم اسٹائل ایوارڈز میں انہوں نے بیسٹ فیملی ماڈل کا ایوارڈ بھی جیتا تھا۔

انہوں نے انڈسٹری کے تقریبا تمام معروف ڈیزائنرز کے ساتھ کام کیا تھا اور ثنا سفینہ کے ساتھ اپنے کیریئر کا آغاز کیا تھا جبکہ وہ عظیم سجاد کی فلم چوہدری سے بڑے اسکرین میں قدم رکھنے والی تھیں۔