سرکاری ٹی وی کا آفیشل یوٹیوب چینل بند

تنویر علی

30th May, 2020. 06:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سرکاری ٹی وی کا آفیشل یوٹیوب چینل بند

پاکستان ٹیلی ویژن کا آفیشل یوٹیوب چینل پی ٹی وی ہوم کاپی رائیٹ قوانین کی خلاف ورزی کی وجہ سے بند ہوگیا ہے لیکن پی ٹی وی کی انتظامیہ کے پاس کاپی رائیٹ کلیم کیخلاف اپیل کیلئے کچھ دن باقی ہیں۔

تفصیلات کے مطابق ایسے کئی ڈرامے ہیں جو پی ٹی وی ہوم اور اس کے سٹیلائیٹ چینل پر نشر ہوئے تاہم پی ٹی وی کے پاس ان ڈراموں کے ڈیجیٹل رائیٹس نہیں تھے۔

ذرائع کے مطابق پی ٹی وی کے مینیجنگ ڈائریکٹر عامر منظور متعلقہ لوگوں سے رابطے میں ہیں، گوگل سے بھی رابطہ کیا گیا اور یقین ہے کہ پی ٹی وی ہوم کا یوٹیوب چینل بحال ہوجائے گا۔

ذرئع کا کہنا ہے کہ یہ سارا مسئلہ دو ڈراموں کے ساتھ آیا اور کاپی رائیٹ کی وجہ سے ڈاٹ ریپبلک میڈیا کی اسٹرائیک پر پاکستان ٹیلی ویژن کا آفیشل پی ٹی وی ہوم چینل بند ہوگیا۔

واضح رہے کہ پی ٹی وی کئی دیگر چینل بھی چلاتا ہے جن میں اسپورٹس، نیوز، نیشنل، گلوبل اور ہوم بھی شامل ہیں۔

پی ٹی وی ہوم سرکاری چینل کا انٹرٹینمنٹ چینل ہے جس پر ڈرامے، گانے اور دیگر تفریحی پروگرام نشر کیے جاتے ہیں۔