وزیراعلیٰ سندھ سید مراد علی شاہ نے کہا ہے کہ سندھ میں کورونا وائرس سے گذشتہ 24 گھنٹوں کے دوران مزید 22 مریض انتقال کرگئے جبکہ صوبے بھر میں مزید 1402 نئے کورونا کیسز بھی سامنے آئے ہیں
تفصیلات کے مطابق وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان میں کہا کہ سندھ میں اس وقت 342 مریضوں کی حالت تشویشناک ہے۔
وزیراعلیٰ سندھ نے کہا کہ صوبے بھر میں اب تک 187092 ٹیسٹ ہو چکے ہیں جن میں سے ابتک 29647 کورونا کے کیسز آچکے ہیں جبکہ گذشتہ 24 گھنٹوں کے دوران مزید 6289 ٹیسٹ کئے گئے جس کے نتیجے میں 1402 نئے کیسز سامنے آئے اور
وزیراعلیٰ سندھ
سید مراد علی شاہ نے یہ بھی کہا کہ گذشتہ 24 گھنٹوں میں مزید22 مریض انتقال کر گئے جس کے بعد کورونا سے جاں بحق ہونے والوں کی مجموعی تعداد 503 ہوگئی ہیں۔

لاہور کا کوئی علاقہ کورونا سے محفوظ نہیں

سید مراد علی شاہ کا اپنے بیان میں کہنا تھا کہ آج 785 مریض صحتیاب ہوکر گھروں کو چلے گئے جس کے بعد صحتیاب کورونا مریضوں کی تعداد 14590 ہوگئی ہے۔
وزیراعلیٰ سندھ نے کہا کہ1402 کیسز میں سے 1028 نئے کیسز کا تعلق کراچی سے ہے جبکہ کورنگی میں 292، ضلع شرقی 232 اور جنوبی میں 193 نئے کیسز سامنے آئے۔
سید مراد علی شاہ نے یہ بھی کہا کہ وسطی 165، غربی 101 اور ملیر میں 45 ، حیدرآباد میں 25، میرپورخاص میں 21 اور شکارپور میں 20 نئے کیسز سامنے آئے، سکھر اور گھوٹکی میں 46-46، لاڑکانہ 38 نئے کورونا کیسز ، عمرکوٹ جبکہ شہیدبینظیرآباد اور کشمور کندھ کوٹ میں ایک ایک مزید کورونا کیس سامنے آئے۔
وزیراعلیٰ سندھ سید مراد علی شاہ نے مزید کہا کہ جیکب آباد میں 12جبکہ خیرپور اور جامشورو میں 8،8 مزید کیسز رپورٹ ہوئے، بدین اور سجاول میں 4،4 جبکہ دادو، نوشہروفیروز اور ٹھٹھہ میں 2،2 نئے کیسز ظاہر ہوئے۔