لاہور میں کورونا وائرس خطرناک حد تک پھیل گیا ہے کہ اب کوئی بھی رہائشی علاقہ اور قصبہ وبا سے محفوظ نہیں ہے۔

تفصیلات کے مطابق محکمہ صحت کی جانب سے وزیراعلیٰ پنجاب کو بھیجی گئی سمری میں لاہور میں کورونا کےاصل نئے مریضوں کا اندازہ چھ لاکھ سترہزار لگایا گیا ہے۔

سیکرٹری محکمہ صحت کیپٹن ریٹائرڈ عثمان کے مطابق محکمہ صحت نے سمری 15مئی کوارسال کی اور سمری میں بتایا گیا کہ کورونا ہاٹ اسپاٹ، رہائشی اور کام کی جگہوں سے سیمپل لیے گئے۔
عمومی طور پر لیے گئے سیمپلز میں 5 اعشاریہ ایک آٹھ اور اسمارٹ سیمپلنگ میں 6 اعشاریہ صفرایک فیصد ٹیسٹ مثبت آئے۔

سمری میں انکشاف کیا گیا کہ تمام سیمپلز میں 6 فیصد کا ٹیسٹ پازیٹیو رہا،بعض ٹاؤن میں شرح7 اعشاریہ ایک چار فیصد رہی جبکہ سمری میں لاہور میں کورونا کے اصل نئے مریضوں کا اندازہ 6 لاکھ 70 ہزار لگایا گیا ہے۔

24 گھنٹوں کے دوران مزید 22 مریض انتقال کرگئے، وزیراعلیٰ سندھ

محکمہ صحت کے ٹیکنیکل ورکنگ گروپ نے لاہور میں 4 ہفتوں کے مکمل لاک ڈاؤن کی سفارش کی ہے۔
سفارش کی گئی ہے کہ 50 سال سے اوپر کے لوگوں کو قرنطینہ میں یا علیحدہ رکھا جائے اور لوگوں کا گھروں میں رہنا لازمی قرار دیا جائے۔

دوسری جانب وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان میں کہا کہ سندھ میں اس وقت 342 مریضوں کی حالت تشویشناک ہے۔
وزیراعلیٰ سندھ نے کہا کہ صوبے بھر میں اب تک 187092 ٹیسٹ ہو چکے ہیں جن میں سے ابتک 29647 کورونا کے کیسز آچکے ہیں جبکہ گذشتہ 24 گھنٹوں کے دوران مزید 6289 ٹیسٹ کئے گئے جس کے نتیجے میں 1402 نئے کیسز سامنے آئے اور
وزیراعلیٰ سندھ