وزیراعلیٰ سندھ سید مراد علی شاہ نے ڈاکٹرز  کو ہیلتھ  رسک الائونس  کی منطوری دے دی۔

 تفصیلات کے مطابق ترجمان وزیراعلیٰ سندھ نے اپنے ایک بیان میں کہا کہ ڈاکٹرز  کو  ہیلتھ  رسک الائونس  کی منطوری کے بعد وزیر اعلیٰ  سندھ کی  ہدایت پر  نوٹیفکیشن  جاری  کردیا  جس کے تحت اس الائونس  کا اطلاق مارچ 2020 سے ہوگا۔

وزیراعلیٰ سندھ سید مراد علی شاہ نے اپنے بیان میں کہا کہ یہ الائونس  ایک بیسک رننگ پے  کے برابر  اُن ہیلتھ پروفیشنلز کو دیاجائے گا  جو کوویڈ ۔19 کی ڈیوٹیز  دے رہے ہیں ۔

وزیراعلیٰ سندھ سید مراد علی شاہ نے مزید کہا کہ یہ الائونس  ہیلتھ پروفیشنلز  جو ہیلتھ  انسٹیٹیوٹ  ، لیبس، پی جیز/ہائوس  جاب  افسران کو بی ایس پی  17-18 کی شروعاتی اسکیل  کے حساب سے ملے گا جو  کورونا  وائرس  کی ڈیوٹیز  دے رہے ہیں ۔

پاکستان میں کورونا وائرس کی تازہ صورتحال

یاد رہے کہ ملک میں آج اب تک کورونا سے اموات کی مجموعی تعداد 1644 ہوگئی جب کہ نئے کیسز سامنے آنے کے بعد مریضوں کی تعداد 77837 تک پہنچ گئی ہے۔

اب تک سندھ میں 526 اور پنجاب میں کورونا سے 540 افراد انتقال کرچکے ہیں جب کہ خیبر پختونخوا میں 482 افراد جاں بحق ہو چکے ہیں۔

اس کے علاوہ بلوچستان میں 49، اسلام آباد 30 ، گلگت بلتستان میں 11 اور آزاد کشمیر میں مہلک وائرس سے 6 افراد جاں بحق ہو چکے ہیں۔