امریکا میں سیاہ فام شہری جارج فلوائیڈ کے قتل میں ملوث3 امریکی پولیس اہلکاروں کی دوبارہ گرفتاری کے احکامات جاری کیے گئے ہیں۔

عرب خبررساں ادارے کے مطابق بدھ کے روز امریکی ریاست مینسوٹا کے پراسیکیوٹر جنرل کیتھ السن نے جارج فلوائیڈ کیس میں3امریکی پولیس اہلکاروں کی دوبارہ گرفتاری کا حکم دیا ہے۔

 پریس کانفرنس میں مسٹر السن نے کہا کہ سیاہ فام شہری فلوائیڈ کے قتل کے حوالے سے ہم ایک مضبوط کیس تیار کررہے ہیں۔ اس حوالے سے سامنے آنے والے نئے الزامات انصاف کےقریب پہنچنے میں مدد گار ثابت ہوں گے۔

السن کا مزید کہنا تھا کہ فلوائیڈ کے قتل کے واقعے نے ہمیں قصوروار ٹھہرایا ہے۔ یہی وجہ ہے کہ ہم انصاف کے لیے کام کررہے ہیں۔

گزشتہ روز امریکی سینیٹ کے رکن ایمی کلوپوچار نے مینا پولیس میں ایک سیاہ فام شہری کے قتل کے واقعے کی فوری تحقیقات کا مطالبہ کیا تھا۔

واضح رہے کہ امریکا میں چند روز قبل سیاہ فام شخص کے قتل کے بعد بیشتر ریاستوں میں پرتشدد مظاہرے ہو رہے ہیں۔ حکومت کو احتجاج روکنے کے لیے نیویارک اور ریاستوں میں کرفیو لگانا پڑا ہے۔

 پرتشدد مظاہروں میں لوٹ مار ، پولیس اور مظاہرین کے درمیان شدید جھڑپوں کے واقعات بھی سامنے آئے ہیں ,جبکہ مظاہرین متعدد گاڑیوں کو بھی نذر آتش کردیا ہے ۔