ملک  میں کورونا وائرس تیزی سے پھیلنے لگا   ہے جس کے باعث پولیس اہلکاروں میں بھی اس وائرس کی تشخیص بہت تیزی سے ہورہی ہے۔

تفصیلات کے مطابق پنجاب پولیس کے 740 سے زائد افسران اور اہلکار کورونا سے متاثر   ہوئے ہیں جبکہ 6 ملازم جان کی بازی ہار چکے ہیں ۔

پنجاب پولیس کے مطابق اب تک 740 متاثرین  پولیس اہلکاروں میں سے 450 اہلکار صحت یاب ہو کر ڈیوٹی پر واپس آچکے ہیں ۔

ہم کورونا کو پھیلنے سے نہیں روک سکتے،وزیراعظم

کراچی کے سعید آباد پولیس ٹریننگ سینٹر میں اڑتالیس اہلکار بھی مہلک وبا   کی زدمیں آگئے ہیں۔

یاد رہے کہ اس سے قبل کورونا وائرس نے پارلیمنٹ ہاؤس میں خطرے کی گھنٹیاں بجا دیں گئی ہیں کیونکہ پارلیمنٹ ہائوس کے مزید گیارہ ملازمین میں کورونا کی تصدیق ہوئی ہے۔

ذرائع کا کہنا ہے کہ کورونا کا شکار ملازمین کا تعلق پارلیمنٹ کے مختلف سکیشنز سے ہے لیکن اب تک کورونا کا شکار پارلیمنٹ کے ملازمین کی مجموعی تعداد 16 ہو گئی ہے۔

ذرائع نے بتایا ہے کہ شیریں مزاری، علی نواز اعوان، راجہ خرم نواز کورونا نیگیٹیو نکلے جبکہ سینیٹر مشتاق، رومینہ عالم، زہرہ ودود فاطمی کورونا نیگیٹیو نکلے ہیں جبکہ یاد رہے کہ پارلیمنٹ کے 77 اراکین سینٹ و قومی اسمبلی، ملازمین کے سیمپلز بھجوائے گئے تھے۔

پارلیمانی ذرائع کا کہنا ہے کہ کورونا کا شکار ملازمین کو گھروں میں آئیسولیٹ کر دیا گیا ہے  جبکہ پارلیمنٹ ہاؤس کے مزید ملازمین کا کورونا ٹیسٹ کرانے کا فیصلہ بھی کیا گیا ہے اور مزید ملازمین کی ٹیسٹنگ کیلئے این آئی ایچ کو آگاہ کر دیا گیا ہے۔

دوسری جانب ملک بھر میں آج کورونا سے مزید 27 افراد موت کے منہ میں چلے گئےجس کے بعد اموات کی مجموعی تعداد 1838 ہوگئی جب کہ نئے کیسز رپورٹ ہونے کے بعد مریضوں کی تعداد 90290 تک پہنچ گئی ہے۔