حکومت بلوچستان نے پبلک ٹرانسپورٹ کھولنے کی اجازت دے دی۔

تفصیلات کے مطابق حکومت بلوچستان نے پبلک ٹرنسپورٹ کو ایس او پیز کے تحت چلنے کی اجازت دی ہے ،پبلک ٹرانسپورٹ سروس بحال کرنے کی اجازت سے متعلق نوٹیفکشن بھی جاری کر دیا ہے۔

نوٹیفیکشن کے مطابق ٹرانسپورٹرز بسوں میں جراثم کش اسپرے کرنے کے پابند ہونگے جبکہ کوچز میں سماجی فاصلوں کو برقرار رکھتے ہوئے مسافر کے ساتھ سیٹ خالی ہوگی۔

 نوٹیفیکشن میں کہا گیا ہے کہ بسوں میں سینٹائزر کی دستیابی یقینی بناءی جائے گی جبکہ پبلک ٹرانسپورٹ میں سفر کرنیوالے مسافروں کی اسیکننگ کی جائے گی۔

نوٹیفیکشن میں  یہ بھی کہا گیا ہے کہ بخار میں مبتلا اور ماسک کے بغیر بس میں کسی کو سوار ہونیکی اجازت نہیں ہوگی جبکہ ٹیکسی میں تین سے زائد افراد کو سفر کرنیکی اجازت نہیں ہوگی۔

نوٹیفیکشن میں مزید کہا گیا ہے کہ ایس او پیز کی شدید خلاف ورزی کی صورت میں ٹرانسپورٹ دوبارہ بند کی جا سکتی ہے اور ایس او پیز کی خلاف ورزی کرنیوالے ٹرانسپورٹرز اور مسافروں کے خلاف کاروائی ہوگی۔

پبلک ٹرانسپورٹ سروس بحال کرنے کی اجازت

یاد رہے اس سے قبل مظفرآباد آزاد کشمیر حکومت نے کورونا وائرس کی ایس او پیز کے تحت بین الاضلاعی اور بین الصوبائئ پبلک ٹرانسپورٹ سروس بحال کرنے کی اجازت دے دی تھی۔

مظفرآباد آزاد کشمیر حکومت نے پبلک ٹرانسپورٹ سروس بحال کرنے کی اجازت سے متعلق نوٹیفکیشن بھی جاری  کردیا تھا ۔

جاری کردہ نوٹیفکیشن کے مطابق  مظفرآباد پبلک ٹرانسپورٹ پر مسافروں کے درمیاں ایک نشت خالی رکھی جائے گی جبکہ خالی نشت کا کرایہ مسافروں سے وصول کیا جائے گا ۔