آئل ٹینکر میں خوفناک آگ سے50 دکانیں جل کر خاکستر ہوگئیں

عروبہ خان

09th Jun, 2020. 06:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئل ٹینکر میں خوفناک آگ سے50 دکانیں جل کر خاکستر ہوگئیں

کوئٹہ میں آئل ٹینکر الٹنے کے باعث لگنے والی آگ سے راکھ کا ڈھیر بننے والی دکانوں کی تعداد50ہوگئی جبکہ حادثے میں 5 افراد زخمی ہوئے ہیں۔

تفصیلات کے مطابق کوئٹہ کے علاقے نیو سریاب میں آئل ٹینکر اُلٹ گیا جس کے بعد شدید آتشزدگی نے اطراف کو اپنی لپیٹ میں لے لیا، آگ بجھانے کی کوششوں کے دوران 8 افراد جھلس گئے۔

پولیس کے مطابق سریاب کے علاقے کسٹم میں آئل ٹینکر بے قابو ہوکر الٹ گیا، آئل ٹینکرکے الٹنے اورتیل بہنے کے باعث بڑے علاقے میں آگ پھیل گئی ،جس نے قریبی دکانوں کو بھی لپیٹ میں لے لیا۔

واقعے کے بعد فائر بریگیڈ کی 6 گاڑیاں اور 3 واٹر ٹینکرز جائےوقعہ پر پہنچ گئے اور 2 گھنٹے کی کوششوں کے بعد رات گئے آگ پر قابو پالیا گیا۔

متاثرین کا کہنا ہے کہ آگ پر بروقت قابو نہ پانے سے کروڑوں کا نقصان ہوا ہے اور مطالبہ کیا ہے کہ نقصان ہونے والے تاجرروں کیلئے صوبائی حکومت پیکج کا اعلان کریں۔

دوسری جانب فائر بریگیڈ کا کہنا ہے کہ عملے نےآگ کو آبادی تک بڑھنے سے روکا گیا تھا۔