وزیراعظم کی زیر صدارت  پیٹرول کی قلت پر ہنگامی میٹنگ ہوئی جس میں وفاقی وزیر عمر ایوب اور معاون خصوصی ندیم بابر کو طلب کیا گیا۔

وزیراعظم نے استفسار کیا کہ بتایا جائے اب تک کیا اقدامات کیے گے ہیں ، مجھے کسی کے پریشر کی پروا نہیں ،اداروں کو اپنا کام کرنا ہو گا۔

اس موقع پر او ایم سیز نے کیماڑی اور پورٹ قاسم میں ہورڈنگ پر بھی وزیراعظم کو بریف کیا گیا۔

بریفنگ کے دوران کا گیا کہ 1 کروڑ 75 لاکھ لیٹر اٹک ریفائنری کے پاس موجود ہے جو آگے سپلائی نہیں کیا جا رہا ، اے آر ایل ریفائنری نارتھ ریجن کو  تیل سپلائی کرتا ہے اور زیادہ وہاں ہی مسائل ہیں۔

وزیراعظم نے ہدایت کی کہ جو جو کمپنی ہورڈنگ میں ملوث ہے ان کیخلاف سخت کاروائی کی جائے۔

دوسری جانب کمشنر کراچی کی ہدایت پر اسسٹنٹ کمشنر بن قاسم اور اسسٹنٹ کمشنر ماری پور نے ایکشن لیتے ہوئے کیماڑی اور بن قاسم اتھارٹی پورٹ پر آئل کمپنیوں کے ذخیروں کا معائنہ کیا۔

کمشنر کراچی افتخار شالوانی نے دور کے دوران کہا کہ تمام آئل کمپنیاں فوری طور پر پیٹرول کی فراہمی بحال کریں ،پیٹرول ذخیرہ کرنے کی اجازت نہیں دی جائے گی کارروائی ہوگی

کیماڑی اور بن قاسم اسسٹنٹ کمشنر ز نے کمشنر کراچی کو ابتدائ رپورٹ پیش کر دی۔

 کمشنر کراچی نے کہا کہ ملوث کمپنیوں کے خلاف کارروائی کی جارہی ہے ، پیٹرول کی کمی نہیں ہے دو کمپنیوں کو دستیاب پیٹرول سے کم فراہم کرنے میں ملوث پایا گیا ہے۔

واضح رہے اس سے قبل وزیراعظم عمران خان کی زیر صدارت وفاقی کابینہ کا اجلاس ہوا جس میں وزیراعظم نے پیٹرولیم مصنوعات کی قلت پر برہمی کا اظہار کیا اور کہا تھا کہ مصنوعی شارٹیج اور ذخیرہ اندوزی قابل قبول نہیں ہے۔

پٹرول کی مصنوعی قلت کو فوری ختم کیا جائے، وزیراعظم کی ہدایت

وزیراعظم کی جانب سے وفاقی کابینہ کے اجلاس کے دوران نوٹس لیا گیا اور وفاقی وزیر عمر ایوب کو پیٹرولیم مصنوعات کے حوالے سے فوری  اہم ہدایات جاری کی گئی تھی۔

اجلاس کے دوران وزیراعظم نت واضح کردیا تھا کہ اوگرا ہو یا کوئی بھی ادارہ، ذمہ داروں سے رعایت نہیں کی جائے گی۔

وزیراعظم عمران خان نے حکم نافذ کیا تھا کہ پٹرولیم ڈویثرن، اوگرا دو سے تین روز میں پٹرول کی سپلائی بحال کریں۔

کابینہ کی جانب سے فیصلہ کیا گیا تھا کہ زخیرہ اندوزوں کے خلاف سخت کارروائی ہوگی جبکہ کابینہ نے زخیرہ کیا گیا پٹرول قبضہ میں لیکر عوام کو فراہم کرنے کا حکم بھی دیدیا ہے۔