کھانے پینے کے شوقین افراد کے لئیے خوشخبری، محکمہ داخلہ سندھ نے مشروط ریسٹورنٹ کھولنے کی اجازت دے دی۔

تفصیلات کے مطابق محکمہ داخلہ سندھ نے ہوٹل، ریسٹورنٹ سے ہوم ڈیلیوری کے لیے اوقات کار جاری کردئیے، جس کا ترمیمی نوٹیفکیشن بھی جاری کردیا گیا ہے۔

محکمہ داخلہ سندھ کی جانب سے جاری کردہ نوٹیفکیشن  میں کہا گیا ہے کہ ہوٹل، ریسٹورنٹ سے ہوم ڈیلیوری شام 7 سے رات 11 بجے تک ہوگی۔

نوٹیفکیشن میں یہ بھی کہا گیا ہے کہ ہوٹلز پر بیٹھک لگانا اور ڈاٸننگ کی سختی سے ممانعت ہوگی، ہوٹل کھولنے کے لیٸے تیار کردہ ایس او پیز پر عمل لازمی اور مشروط ہوگی جبکہ ہوٹل صرف پارسل دینے کے لیٸے کھولے جاسکیں گے۔

ریسٹورنٹس کھولنے کے لئے کسی این او سی کی ضرورت نہیں

محکمہ داخلہ سندھ کی جانب سے جاری کردہ نوٹیفکیشن میں مزید کہا گیا ہے کہ صبح 6 سے شام سات بجے تک ہوٹل کھلیں گے جبکہ ہوٹل اور ریسٹورنٹ سے ٹیک اوے صبح 6 سے شام 7 بجے تک کی جا سکے گی۔

واضح رہے کہ وفاقی حکومت کی جانب سے لاک ڈاؤن میں نرمی کے بعد سندھ حکومت کی جانب سے کاروبار صبح 9 سے شام 7 بجے تک کھولنے کی اجازت دی گئی تھی۔

محکمہ داخلہ سندھ کا کہنا تھا کہ میڈیکل اسٹورز اور لازمی سروسز کےادارے24گھنٹےکھلےرہیں گے جب کہ صوبائی اورضلعی انتظامیہ کورونا پھیلنےکےخدشے پر فیصلہ تبدیل کرسکتےہیں۔

نوٹیفکیشن میں واضح کیا گیا تھا کہ شادی ہالز، بزنس سینٹر، ایکسپو ہال، تمام تعلیمی ادارے اور ٹریننگ سینٹربندرہیں گے، ہرقسم کےکھیلوں کی سرگرمیاں اور ٹورنامنٹ پرپابندی رہےگی۔