وزیراعظم کے معاون خصوصی ڈاکٹر شہباز گل نے کہا ہے کہ آج پیش ہونے والا بجٹ نارمل حالات کا بجٹ نہیں ہے بلکہ یہ کورونا بجٹ ہے۔

تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر اپنے ایک پیغام میں کہا ہے کہ  یہ نارمل حالات کا بجٹ نہیں کورونا بجٹ ہے۔

انہوں نے بتایا کہ ئی ایم ایف، ورلڈ بنک کے مطابق کورونا وائرس 1930 سے بد ترین کساد بازاری کا باعث بنا ہے اور ان مشکل ترین حالات میں اس سے بہتر بجٹ دیا جا سکتا تھا کیا؟

آئی ایم ایف، ورلڈ بنک کے مطابق کرونا وائرس 1930 سے بد ترین کساد بازاری کا باعث بنا ہے۔ ان مشکل ترین حالات میں اس سے بہتر بجٹ دیا جا سکتا تھا کیا؟
آپ عمران خان کی دشمنی میں پاکستان دشمنی پر نہ اتریں عوام کو صحیح تصویر پیش کریں۔
یہ نارمل حالات کا بجٹ نہیں کرونا بجٹ ہے۔ https://t.co/amKQ5wIWlW

Advertisement

— Dr. Shahbaz GiLL (@SHABAZGIL) June 12, 2020

انہوں نے احسن اقبال کو جواب دیتے ہوئے مزید کہا کہ آپ عمران خان کی دشمنی میں پاکستان دشمنی پر نہ اتریں عوام کو صحیح تصویر پیش کریں۔

سی پیک کراچی پشاور ایم ایل ون ریلوے ٹریک منصوبے کے لئے جتنے پیسے ترقیاتی بجٹ 2020-21 میں مختص کئے گئے ہیں اس تناسب سے اس منصوبے کو مکمل ہونے میں 197 سال لگیں گے- پھر کہتے ہیں ہم نے سی پیک کو رول بیک نہیں کیا-

— Ahsan Iqbal (@betterpakistan) June 12, 2020

یاد رہے کہ اس سے قبل پاکستان مسلم لیگ ن کے مرکزی رہنما میاں احسن اقبال نے کہا تھا کہ سی پیک کراچی پشاور ایم ایل ون ریلوے ٹریک منصوبے کے لئے جتنے پیسے ترقیاتی بجٹ 2020-21 میں مختص کئے گئے ہیں اس تناسب سے اس منصوبے کو مکمل ہونے میں 197 سال لگیں گے؟

بجٹ میں کوئی نیا ٹیکس نہیں لگایا گیا، وفاقی وزیر

واضح رہے کہ انہوں نے یہ سب سماجی ویب سائٹ ٹوئٹر کے ذریعے اپنے پیغام میں کہیں ہیں۔

اس سے قبل پاکستان مسلم لیگ (ن) کے صدر اور قائد حزب اختلاف شہبازشریف نے عوام دشمن قرار دیتے ہوئے وفاقی بجٹ مسترد کرتے ہوئے کہا ہے کہ یہ بجٹ نہیں تباہی کا نسخہ ہے۔

میاں شہباز شریف نے کہا ہے کہ موجودہ حکومت کے بجٹ سے ملک کی رہی سہی معاشی سانسیں بھی رک جائیں گی کیونکہ یہ بجٹ نہیں تباہی کا نسخہ ہے۔

شہباز شریف نے آج پیش ہونے والے بجٹ کو مسترد کرتے ہوئے کہا ہے کہ یہ غریب کش بجٹ ہے، اس کے نتیجے میں مہنگائی اور بیروزگاری میں مزید اضافہ ہوگا، مہنگائی، بیروزگاری، کاروباری بدحالی نے تاریخی ریکارڈ قائم کردئیے ہیں۔