سابق عالمی چیمپئن اور معروف انٹرنیشنل پاکستانی نژاد برطانوی باکسر عامر خان نے پاکستان میں بچوں کے ساتھ زیادتی کے واقعات پر افسوس کا اظہار کرتے ہوئے اس کے خلاف بھرپور آواز اٹھانے کا اعلان کیا ہے۔
انہوں نے کہا ہے کہ میری فانڈیشن کو اور بطور باپ مجھے پنجاب میں 8 سالہ معصوم بچی زہرہ کو زیادتی کے بعد قتل کر دیے جانے والے واقعے پر گہرا دکھ اور تکلیف پہنچی ہے۔
اس طرح کے واقعات کا تدارک کرنا بہت ضروری ہے تاکہ مستقبل میں کوئی بچہ خدانخواستہ کسی زیادتی کا شکار نہ ہو۔
انہوں نے کہا کہ میں اس حوالے سے اپنا کردار بھرپور انداز میں ادا کروں گا۔ پاکستان کے لوگ اور برطانیہ میں مقیم پاکستانی بھی آگے بڑھیں اور میرا ساتھ دیں۔
عامر خان نے وزیراعظم پاکستان عمران خان سے بھی خصوصی درخواست کی ہے کہ وہ ملک میں بچوں کے ساتھ ہونے والی زیادتی کے واقعات کا نوٹس لیں اور ان کی روک تھام کے لیے اپنا کردار ادا کریں۔
Advertisement
عامر خان نے زیادتی کا شکار ہونے والی زہرہ کے اہل خانہ کے مالی اخراجات برداشت کرنے، بچوں کو تعلیم دلانے اور حصول انصاف کے لیے مقدمہ لڑنے میں بھرپور معاونت کا اعلان بھی کیا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
