پاکستان میں کورونا وائرس سے آج مزید 86 افراد جان کی بازی ہار گئے ، جس کے بعد اموات کی تعداد 2497 ہوگئی جبکہ متاثرہ مریضوں کی تعداد 129236 ہوگئی ہے۔

تفصیلات کےمطابق آج سندھ میں کورونا سے 17 ، پنجاب میں ایک ہی دن میں کورونا سے 49 افراد جاں بحق ہوئے ، اسلام آباد میں کورونا سے 3 ، بلوچستان میں کورونا سے 5 ، آزاد جموں کشمیر اور گلگت بلتستان میں کورونا سے 1،1 جبکہ خیبرپختونخوا میں کورونا سے 10 اموات ہوئی جس کے بعد ملک بھر کورونا وائرس سے جاں بحق افراد کی مجموعی تعداد 2497 ہوگئی ہے۔

پاکستان میں کوروناوائرس سے جاں بحق مریضوں کی اعداد و شمار کے مطابق اس وقت سندھ میں 793 ، بلوچستان میں 80 ، خیبرپختونخوا میں 642 ، آزاد کشمیر میں 11 ، اسلام آباد میں 65، گلگت بلتستان میں 16 ، پنجاب میں 890 افراد جان کی بازی ہار چکے ہیں۔

یاد رہے اس سے قبل محکمہ صحت سندھ نے اپنے ایک بیان میں کہا کہ سندھ میں کورونا وائرس سے آج 17 مریض دم توڑ گئے، جس کے بعد صے بھر میں اموات کی مجموعی تعداد 793 ہوگئی ہے جبکہ پنجاب میں ایک ہی دن میں کورونا سے 49 افراد جاں بحق ہوئے جس کے بعد صوبے بھر میں کورونا سے جاں بحق افراد کی تعداد 890 ہوگئی ہے۔

پاکستان میں ایک ہی دن میں مزید 6291 افراد میں کورونا کی تشخیص

دریں اثناء محکمہ اطلاعات خیبرپختونخوا نے اپنے ایک بیان میں کہا کہ خیبر پختونخوا میں آج مزید 10 متاثرہ افراد جان کی بازی ہار گئے جس کے بعد صوبے میں اموات کی تعداد 642 تک پہنچ گئی ہے ۔