وفاقی بجٹ کے بعد اب صوبائی بجٹ کی تیاریاں کی جارہی ہیں اس ضمن میں صوبے پنجاب کے بجٹ کی تیاریاں اپنے حتمی مراحل میں پہنچ گئی ہیں۔

صوبہ پنجاب کا بجٹ صوبائی کابینہ اجلاس کی منظوری کے بعد بجٹ اسمبلی میں پیش ہو گا، صوبائی بجٹ سوموار کو پنجاب اسمبلی کے ایوان میں پیش کیا جائے گا۔

زرئع کا کہنا ہے کہ پنجاب بجٹ کا حجم 2200ارب روپے سے زائد رکھنے کی تجویز پیش کی گئی ہے جبکہ جاری اخراجات کے لئے 1780 ارب روپے مختص کرنے اور سالانہ ترقیاتی پروگرام کا حجم 337 ارب روپے رکھنے کی تجاویزات پیش کی گئی ہیں۔

صوبائی بجٹ میں شعبہ صحت اور تعلیم ترجیحات میں شامل ہیں۔

پنجاب کے صوبائی جبٹ میں پرائمری ہیلتھ کو 13 فیصد اضافے سے 123 ارب، اسپیشلائزڈ ہیلتھ کو سات فیصد اضافے سے 130ارب، اسکول ایجوکیشن کے لئے 18فیصداضافے سے  323 ارب مختص کرنے کی تجاویز دی گئی ہیں۔

پولیس کو17 فیصد اضافے سے 132 ارب، کورونا کے خلاف خدمات پر ہیلتھ پروفیشنلز کے لئے 9 ارب روپے کے الائنس مختص کرنے کی تجویزدی گئی ہے۔

زرائع کا کہنا ہے کہ سرکاری ملازمین کی تنخواہوں اور پنشن میں اضافہ نہ کرنے اور ہیلتھ پروفیشنلز کی 8519 آسامیوں پر  بھرتی  کی  تجویز دی گئی ہے۔

چھوٹے اور درمیانے درجے کے کاروبار کے لئے 30 ارب کا پیکج دینے، پنجاب بجٹ میں 15 ارب کا ٹیکس ریلیف پیکج دینے کی تجویز دی گئی ہے۔

یاد رہے کہ بجٹ کی ابتدائی منظوری کے لئے کابینہ اجلاس میں پیش ہو گا۔