صدر مملکت ڈاکٹر عارف علوی اور مشیر پارلیمانی امور ڈاکٹر بابر اعوان کے درمیان ٹیلی فونک رابطہ ہوا ہے۔

تفصیلات کے مطابق صدر مملکت ڈاکٹر عارف علوی نے مشیر پارلیمانی امور ڈاکٹر بابر اعوان کو ٹیلی فون کیا اوربجٹ اجلاس کے لئے پارلیمانی معاملات بہترین انداز میں چلانے پر مبارکباد دی ۔

ٹیلی فونک رابطے میں صدر مملکت ڈاکٹر عارف علوی نے دنیا بھر کی طرح پاکستان میں بھی شفاف ووٹنگ سسٹم پر زوردیا جبکہ گفتگو کے دوران اوورسیز پاکستانیوں کے ووٹنگ رائٹ کیلئے قانون سازی پر بھی بات چیت کی گئی۔

اس موقع پر صدر مملکت ڈاکٹر عارف علوی نے پارلیمانی معاملات شفاف انداز میں چلانے کے عمل کو سراہا جبکہ پارلیمنٹ کے سیشن سے صدر کے خطاب پر اظہار تشکر کی قرار داد پر بھی گفتگو کی گئی۔

 وزیراعظم کے مشیر برائے پارلیمانی امور بابر اعوان نے کہا کہ اوورسیز پاکستانیوں کے دیرینہ مطالبے کو بہت جلد پورا کرنے جا رہے ہیں۔

انشاءاللہ کشمیر آزاد ہو گا، صدر مملکت

بابر اعوان نے یہ بھی کہا کہ متعلقہ وزارت اور اداروں سے مشاورت مکمل کر لی ہے, بہت جلد قانون سازی کے لئے پارلیمنٹ میں تجاویز پیش کریں گے۔

 وزیراعظم کے مشیر برائے پارلیمانی امور بابر اعوان نے مزید کہا کہ آپ نے ہمیشہ اوورسیز پاکستانیوں کے کاز کے لئے جدو جہد کی، بحثیت صدر آپ پارلیمنٹ کا حصہ ہیں۔

وزیراعظم کے مشیر برائے پارلیمانی امور بابر اعوان سے رابطے میں صدر مملکت ڈاکٹر عارف علوی نے کہا کہ اوورسیز پاکستانی قیمتی اثاثہ ہیں, فیصلہ سازی میں شامل کیا جانا چاہئیے۔