وفاقی تعلیمی بورڈ کے میٹرک اور انٹرمیڈیٹ امیدواروں کے لیے بڑی خبر سامنے آگئی جس کے تحت میٹرک اور انٹرمیڈیٹ کے نتائج کا اعلان جولائی میں ہوگا۔

تفصیلات کے مطابق چیئرمین فیڈرل بورڈ راؤعتیق احمد نے اپنے ایک بیان میں کہا کہ وفاقی تعلیمی بورڈ میڑک کے نتائج کا اعلان جولائی کے پہلے ہفتے میں کرے گا جبکہ انٹرمیڈیٹ کے نتائج کا اعلان تیسرے ہفتہ میں کیا جائے گا۔

اپنے بیان میں راؤعتیق احمد نے کہا کہ بورڈ آف گورنرز کا اجلاس 30جون کو طلب کرلیا گیا ہے جس میں آئی بی سی سی اور فیڈرل بورڈ کی گائیڈ لائن کی منظوری دی جائے گی۔

چیئرمین فیڈرل بورڈ راؤعتیق احمد نے مزید کہا کہ اجلاس میں امتحانات منسوخی اور پروموشن پالیسی کی منظوری بورڈآف گورنر سے لی جائے گی جبکہ وفاقی وزارت تعلیم نے اصولی منظوری دے دی۔

سندھ میں میٹرک اور انٹر کے طلباء کو پروموٹ کرنے کا اعلان

دوسری جانب وفاقی وزارت تعلیم نے اسکول کھولنے سے متعلق اہم فیصلہ کر لیا ہے ۔

 وفاقی وزارت تعلیم نے اسکول کھولنے کے حوالے سے صوبوں سے تجاویز طلب کر لیں، حتمی فیصلہ 02 جولائی کو بین الصوبائی وزراء کانفرنس میں کیا جائے گا جبکہ اسکول ابتدائی طور پر ٹرائل کی بنیاد پر کھولنے کا جائزہ لیا جائے گا۔

صوبوں کو کہا گیا ہے کہ وہ 23 جون تک تعلیمی ادارے کھولنے کے حوالے سے اپنی تجاویز بھجوا دیں، طلبہ اور استاتذہ کو کورونا سے محفوظ رکھنے کے حوالے سے تمام اقدامات کو پلان کا حصہ بنایا جائے۔