وزیرخارجہ شاہ محمودقریشی نےکہا ہے کہ بھارت لائن آف کنٹرول پرسویلین آبادی کونشانہ بنارہاہے، سیکرٹری جنرل اقوام متحدہ بھارت کی اشتعال انگیزی کانوٹس لے۔

تفصیلات کے مطابق وزیرخارجہ شاہ محمودقریشی نے رابطہ گروپ اجلاس سےخطاب کرتے ہوئے کہا کہ بھارت مقبوضہ کشمیرکومسلم اکثریت سےاقلیت میں تبدیل کرناچاہتاہےجبکہ ایل اوسی پربھارت کی اشتعال انگیزی میں اضافہ ہواہے، بھارت کی اشتعال انگیزی سےخطےکاامن متاثر ہوسکتا ہے۔

وزیرخارجہ نے کہا کہ اوآئی سی بھارت کوپابندبنائےکہ وہ یواین قراردادوں کےمطابق مقبوضہ کشمیر میں استصواب رائےکرائے جبکہ بھارت اوآئی سی وفدکوصورتحال کاجائزہ لینےکیلئےمقبوضہ کشمیرکےدورےکی اجازت دے۔

شاہ محمودقریشی نے یہ بھی کہا کہ واضح طورپربتایاکہ بھارت بزوربازوحریت کےجذبےکوہندوتوا سوچ سےکچلنےکی کوشش کررہاہے جس طرح مقبوضہ کشمیرمیں شہریوں کونشانہ بنایاجارہاہےاس پرتشویش ہے لہذا عالمی برادری بھی بھارت کی کارروائیوں کانوٹس لے۔

وزیرخارجہ کا کہنا تھا کہ گروپ کومقبوضہ کشمیرمیں بھارتی فوج کےجعلی مقابلوں ،پیلٹ گنزکےاستعمال سےآگاہ کیا جبکہ اجلاس اس لیےبلایاکہ مقبوضہ کشمیر کی صورتحال تیزی سےبگڑتی جارہی ہے۔

شاہ محمودقریشی کا یہ بھی کہنا تھا کہ بھارت مقبوضہ کشمیرمیں حریت اورآزادی کےجذبےکوظلم اورتشدد سےروکنا چاہتاہے ، بھارت اس ظلم وتشددسےجذبہ آزادی ختم کرنےمیں ناکام ہےاورناکام رہےگا۔

بھارت افغانستان میں بھی امن نہیں چاہتا ، وزیرخارجہ

وزیرخارجہ نے کہا کہ کشمیرپراوآئی سی رابطہ گروپ کےہنگامی اجلاس میں بتایاکہ حریت رہنماؤں کوپابندسلاسل کیاگیا جبکہ اجلاس کوآگاہ کیاکہ مقبوضہ کشمیر میں میڈیاکی آوازدبائی جارہی ہے۔

شاہ محمودقریشی نے یہ بھی کہا کہ بھارت کے5اگست کےاقدامات کےپیچھےسوچ کیاتھی اس سےاجلاس کوآگاہ کیا جس پر رابطہ گروپ نےمتفقہ طورپرکہا کہ مقبوضہ کشمیرمیں کالےقوانین ختم کیےجائیں۔

وزیرخارجہ شاہ محمودقریشی نے مزید کہا کہ اجلاس میں رابطہ گروپ کومقبوضہ کشمیرمیں بھارتی اقدامات کی حقیقت سےآگاہ کیا جس پر رابطہ گروپ نےکشمیرمیں طویل لاک ڈاؤن ختم کرنےکامطالبہ کیا ۔