زمبابوے میں 200 سے زائد ہاتھیوں کی اموات

عروبہ خان

12th Nov, 2019. 08:43 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

زمبابوے میں 200 سے زائد ہاتھیوں کی اموات

زمباوے کی پارکس ایجنسی کا کہنا ہے کہ شدید خشک سالی کے دوران اب تک 200 سے زائد ہاتھیوں کی موت واقع ہوچکی ہے اور بھیڑ کو کم کرنے کے لئے جانوروں کے بڑے پیمانے پر نقل مکانی کا منصوبہ بنایا گیا ہے۔

ترجمان تیناشے فاروو نے کہا ہے کہ اکتوبر سے وسیع ہوانگی نیشنل پارک میں کم از کم 200 ہاتھیوں کی موت ہوچکی ہے اور دیگر پارکس متاثر ہیں۔

ان کا کہنا ہے کہ جراف ، بھینس اور انفالہ سمیت جانور بھی مر رہے ہیں اور بارش کی واپسی کے بعد ہی صورتحال بہتر ہوسکتی ہے۔

بہت سے جانور زمبابوے کے پارکوں سے کھانے اور پانی کی تلاش میں قریبی برادریوں میں بھٹک رہے ہیں۔ پارکس کی ایجنسی نے کہا ہے کہ رواں سال صرف جانوروں سے ہونے والے تنازعہ سے 33 افراد ہلاک ہوئے ہیں۔

ایجنسی کا کہنا ہے کہ وہ جنوب مشرق میں واقع ویلی کنزرویسی میں 600 ہاتھیوں ، شیروں کے دو پرائیڈ اور دوسرے جانوروں کو کم گنجان پارکوں میں منتقل کرنے کا ارادہ رکھتا ہے۔